ఆదిపురుష్ ట్రైలర్ కోసం స్పెషల్ స్క్రీనింగ్స్, తెలుగు రాష్ట్రాల్లో ప్రభాస్ అభిమానులకు ప్రత్యేకం
రామాయణాన్ని వెండితెర మీద ఆవిష్కరించడానికి ఆదిపురుష్ చిత్రాన్ని తెరకెక్కిస్తున్నాడు దర్శకుడు ఓం రౌత్. ఆదిపురుష్ చిత్రంలో రాముడిగా ప్రభాస్ కనిపిస్తున్నాడు. సీతగా బాలీవుడ్ హీరోయిన్ క్రితిసనన్ కనిపిస్తోంది. జూన్ 16న థియేటర్లలోకి వస్తోంది ఆదిపురుష్ చిత్రం. ఈ నేపథ్యంలో ప్రమోషన్ కార్యక్రమాల్లో జోరు పెంచాలని ఆదిపురుష్ టీమ్ ప్రయత్నిస్తోంది. తాజాగా ఆదిపురుష్ ట్రైలర్ పై అప్డేట్ వచ్చింది. మే 9వ తేదీన ట్రైలర్ ను విడుదల చేయాలని మేకర్స్ ప్లాన్ చేస్తున్నట్టు సమాచారం. అయితే ఈ ట్రైలర్ ను త్రీడీ ఫార్మాట్ లో ప్రభాస్ అభిమానుల కోసం ప్రత్యేకంగా థియేటర్లలో రిలీజ్ చేయనున్నారట. రెండు తెలుగు రాష్ట్రాల్లో సుమారు 105థియేటర్లలో ఆదిపురుష్ ట్రైలర్ ను రిలీజ్ చేయాలని భావిస్తున్నారట.
ఒకరోజు ముందుగానే త్రీడీ ట్రైలర్ స్క్రీనింగ్
ఆదిపురుష్ త్రీడీ ట్రైలర్ స్క్రీనింగ్, మే 8వ తేదీన ఉండనుందని అంటున్నారు. మే 9వ తేదీన సాయంత్రం 5:30గంటలకు యూట్యూబ్ లో రిలీజ్ చేస్తారని వినిపిస్తోంది. ఆదిపురుష్ ట్రైలర్ కోసం అభిమానులు అందరూ ఎంతగానోఎదురు చూస్తున్నారు. టీజర్ ద్వారా వచ్చిన నెగెటివిటీ ట్రైలర్ ద్వారా దూరమవుతుందని అభిమానుకు అనుకుంటున్నారు. మరి ఆదిపురుష్ ట్రైలర్, అభిమానులకు ఎలాంటి అనుభవాన్ని మిగుల్చుతుందో తెలియాలంటే మే 9వ తేదీ వరకు ఆగాల్సిందే. టీ సిరీస్ బ్యానర్ లో భూషణ్ కుమార్ ఈ చిత్రాన్ని నిర్మిస్తున్నారు. తెలుగు, హిందీ, తమిళం, కన్నడ, మళయాల భాషల్లో ప్రపంచ వ్యాప్తంగా విడుదల అవుతుంది.
