The Raja Saab: యూట్యూబ్‌ను షేక్ చేసిన 'ది రాజా సాబ్'.. 24 గంటల్లోనే 59 మిలియన్ల వ్యూస్!
ఈ వార్తాకథనం ఏంటి
రెబల్ స్టార్ ప్రభాస్ నటిస్తున్న లేటెస్ట్ మూవీ 'ది రాజా సాబ్' టీజర్ మాస్ రెస్పాన్స్‌ను తెచ్చుకుంది.
హారర్ కామెడీ జానర్‌లో మారుతి దర్శకత్వంలో తెరకెక్కుతున్న ఈ చిత్రం టీజర్ జూన్ 16న విడుదల కాగా, విడుదలైన 24 గంటల్లోనే అన్ని భాషల్లో కలిపి 59 మిలియన్లకుపైగా వ్యూస్ సొంతం చేసుకుంది.
మేకర్స్ ఈ విషయాన్ని అధికారికంగా ప్రకటించడంతో పాటు, ప్రత్యేక పోస్టర్‌ను కూడా విడుదల చేశారు.
Details
ఇండియా బిగ్గెస్ట్ హారర్ ఫాంటసీగా ప్రమోషన్
ఇండియన్ సినిమాల్లో అత్యంత భారీ హారర్ ఫాంటసీ మూవీగా ప్రమోట్ అవుతోన్న ఈ చిత్రం టీజర్ యూట్యూబ్‌లో ట్రెండింగ్ నంబర్ వన్ స్థానాన్ని దక్కించుకుంది.
"ఇది ది రాజా సాబ్ యుగం... మనం అందులోనే జీవిస్తున్నాం" అనే శైలిలో మూవీ టీం జూన్ 17న ట్వీట్ చేసింది. తెలుగు వర్షన్‌ 14 మిలియన్లకు పైగా వ్యూస్ రావడం గమనార్హం.
Details
వింటేజ్ ప్రభాస్ రీ-ఎంట్రీ
ఈ టీజర్ ద్వారా అభిమానులు చాలా కాలం తరువాత వింటేజ్ ప్రభాస్‌ను మళ్లీ చూస్తున్నారు.
గత కొన్ని సంవత్సరాలుగా ఆయన సీరియస్ రోల్స్‌లో కనిపిస్తున్న నేపథ్యంలో, ఈసారి తన మునుపటి స్టైల్ కామెడీ, మాస్ స్క్రీన్ ప్రెజెన్స్‌తో ప్రభాస్ అలరించాడు.
మారుతి మార్క్ హారర్ అంశాలు కూడా ఇందులో ఆసక్తికరంగా ఉండడంతో ప్రేక్షకులు ఉత్సాహంతో ఎదురుచూస్తున్నారు.
ప్రభాస్ గత చిత్రం 'కల్కి 2898 ఈడీ' తర్వాత వస్తున్న సినిమా కావడంతో, ఈ చిత్రంపై భారీ అంచనాలు ఉన్నాయి. డిసెంబర్ 5న ప్రపంచవ్యాప్తంగా ఈ మూవీ విడుదల కానుంది.