టైగర్ నాగేశ్వర్ రావు ఫస్ట్ లుక్: టైగర్ జోన్ ని పరిచయం చేసిన వెంకటేష్
ఈ వార్తాకథనం ఏంటి
కొత్త దర్శకుడు వంశీ దర్శకత్వంలో రవితేజ నటిస్తున్న టైగర్ నాగేశ్వర్ రావు ఫస్ట్ లుక్ ఇంతకుముందే విడుదలైంది. ఫస్ట్ లుక్ ని కేవలం పోస్టర్ తో సరిపెట్టకుండా చిన్న గ్లింప్స్ రిలీజ్ చేసారు.
వెంకటేష్ వాయిస్ ఓవర్ అందించిన ఈ గ్లింప్స్ వీడియోలోని డైలాగులకు రోమాలు నిక్కబొడుచుకుంటాయి.
70వ దశకంలో బంగాళఖాతం తీర ప్రాంతంలోని చిన్న గ్రామం అంటూ మొదలై, ఆ ఊరి గుండా దడదడ మంటూ వెళ్ళే రైలు, ఆ ప్రాంతం రాగానే గజగజ వణుకుతుంది. ఆ ఊరి మైలురాయి కనపడితే జనం అడుగులు తడబడతాయంటూ స్టూవర్ట్ పురం గ్రామాన్ని పరిచయం చేసాడు.
ఆ గ్రామానికి మరో పేరు టైగర్ జోన్ అని, టైగర్ నాగేశ్వర్ రావు జోన్ అని చెప్పాడు.
Details
ఐదు భాషల్లో ఐదుగురు స్టార్స్
వెంకటేష్ వాయిస్ లోని తీవ్రత, వీడియోలో కనిపించిన విజువల్స్.. అన్నీ కలిపి ఫస్ట్ లుక్ ని ఆసక్తిగా మార్చేసాయి. రవితేజ కెరీర్ లో ఇదో గుర్తుండిపోయే సినిమాగా మారుతుందని అభిమానులు అనుకుంటున్నారు.
మొత్తం ఐదు భాషల్లో ఐదుగురు స్టార్స్, ఈ ఫస్ట్ లుక్ వీడియోకు వాయిస్ అందించారు.
తెలుగులో వెంకటేష్, తమిళంలో కార్తీ, మళయాలంలో దుల్కర్ సల్మాన్, కన్నడలో శివరాజ్ కుమార్, హిందీలో జాన్ అబ్రహం తమ గొంతుతో టైగర్ నాగేశ్వర్ రావును పరిచయం చేసారు.
అభిషేక్ అగర్వాల్ ఆర్ట్స్ బ్యానర్ లో రూపొందుతున్న ఈ సినిమాలో గాయత్రి భరధ్వాజ్, నుపుర్ సనన్ హీరోయిన్లుగా నటిస్తున్నారు.
జీవీ ప్రకాష్ కుమార్ సంగీతం అందిస్తున్న ఈ సినిమా, అక్టోబర్ 20వ తేదీన విడుదలవుతుంది.