RT 76 : రవితేజ - కిషోర్ తిరుమల టైటిల్ ఇదే..
ఈ వార్తాకథనం ఏంటి
బ్యాక్ టు బ్యాక్ సినిమాలను లైన్ లో పెడుతున్నాడు మాస్ మ‌హారాజు రవితేజ. ప్రస్తుతం ఆయన భాను భోగవరపు దర్శకత్వంలో తెరకెక్కుతున్న 'మాస్ జాతర' సినిమా అక్టోబర్ 31న ప్రేక్షకుల ముందుకు రానుంది. మాస్ జాతర సెట్స్ పై ఉండగానే , రవితేజ తన 76వ సినిమాగా, సూపర్ హిట్ చిత్రాలైన నేనుశైలజా, చిత్రలహరి వంటి సినిమాలను రూపొందించిన కిషోర్ తిరుమల దర్శకత్వంలో మరొక సినిమాను ప్రకటించారు. ఈ సినిమా రవితేజ స్టైల్ కామెడీ, కిషోర్ తిరుమల దర్శకత్వంలో ఉండే ఎమోషన్స్ తో కలగలిపి పర్ఫెక్ట్ యాక్షన్ కామెడీ ఎంటర్టైనర్ సినిమాగా రాబోతోంది.
వివరాలు
"భర్త మహాశయులకు విజ్ఞప్తి" టైటిల్
మేకర్స్ ఈ సినిమాకు ఒక ప్రత్యేకమైన, ఆకర్షణీయమైన టైటిల్ ఎంపికపై చర్చలో ఉన్నారు. కిషొర్ తిరుమల రైటింగ్ లోని సున్నితమైన టచ్.. మాస్ మహారాజా సినిమాలకు ఉండే మాస్ టచ్ ఉండేలా ఓ టైటిల్ ను పరిశీలిస్తున్నారట వినిపిస్తున్న సమాచారం ప్రకారం, దర్శకుడు కిషోర్ తిరుమల ఈ సినిమాకు "భర్త మహాశయులకు విజ్ఞప్తి" అనే టైటిల్ పై నిర్ణయించబోతున్నారని తెలిసింది. ఆల్మోస్ట్ ఇదే ఇదే ఫిక్స్ చేస్తారని కూడా తెలిస్తోంది. రవితేజ సినిమాలకు ఇలాంటి టైటిల్స్ పర్ఫెక్ట్ గా ఉంటాయి. అటు ఫ్యాన్స్ కూడా రవితేజ నుండి ఇలాంటి సినిమాలనే కోరుకుంటున్నారు.
వివరాలు
వచ్చే ఏడాది సంక్రాంతికి ప్రేక్షకుల ముందుకు
భీమ్స్ సిసిరోలి సంగీతం అందిస్తున్న ఈ సినిమా, అక్టోబర్ చివరిలో పూర్తి షూటింగ్ ఫేఫినిష్ కానుంది. వచ్చే ఏడాది సంక్రాంతి సందర్భంగా ప్రేక్షకుల ముందుకు రానుంది. ఆషిక రంగనాథ్ ఈ చిత్రంలో హీరోయిన్‌గా నటిస్తున్నారు. భారీ బడ్జెట్‌తో SLV సినిమాస్ బ్యానర్‌పై సుధాకర్ చెరుకూరి ఈ సినిమాను నిర్మించనున్నారు.