Surya Kiran: దర్శకుడు సూర్య కిరణ్ హఠాన్మరణం !
సత్యం, ధన 51 చిత్రాలతో మంచి గుర్తింపు తెచ్చుకున్న దర్శకుడు సూర్య కిరణ్ ఈరోజు తెల్లవారుజామున చెన్నైలో కన్నుమూశారు. అయన వయస్సు 51. సూర్య కిరణ్ కామెర్లు కారణంగా మరణించారు. సూర్య కిరణ్ బాలనటుడిగా చిత్ర పరిశ్రమలోకి అడుగుపెట్టారు. చైల్డ్ ఆర్టిస్ట్‌గా దాదాపు 200 సినిమాల్లో పనిచేశాడు. తరువాత, అతను 2003లో సుమంత్, జెనీలియా నటించిన సత్యం చిత్రంతో దర్శకుడిగా పరిచయం అయ్యాడు. బాక్సాఫీస్ వద్ద ఈ సినిమా సూపర్ హిట్ అయింది. తరువాత, సూర్య కిరణ్ ధన 51, బ్రహ్మాస్త్రం, రాజు భాయ్, చాప్టర్ 6 వంటి మరికొన్ని చిత్రాలకు దర్శకత్వం వహించాడు.
సూర్య కిరణ్ సోదరి సుజిత
బిగ్ బాస్ తెలుగు సీజన్ 4 లో పోటీదారులలో అతను కూడా ఒకడు. సూర్య కిరణ్ గతంలో నటి కళ్యాణి (ఔను వాళ్లిద్దరూ ఇష్టపడ్డారు ఫేమ్)ని వివాహం చేసుకున్నారు. వారు విడాకులు తీసుకున్నారు. సూర్య కిరణ్ సోదరి సుజిత ప్రముఖ టెలివిజన్ నటి. సూర్య కిరణ్ హఠాన్మరణం సినీ పరిశ్రమను దిగ్భ్రాంతికి గురి చేసింది. చిన్న వయసులో సూర్య కిరణ్ మరణించడంతో చిత్రసీమలో పలువురు షాక్ అయ్యారు. ఆయన మృతి పట్ల సంతాపం వ్యక్తం చేస్తున్నారు. ఆయనతో తమకు ఉన్న అనుబంధాన్ని గుర్తు చేసుకుంటున్నారు.
