కొత్త దర్శకుడితో పంజా వైష్ణవ్ ప్రయోగం.. వేసవిలో విడుదల
ఈ వార్తాకథనం ఏంటి
ఉప్పెన సినిమాతో తెలుగు తెర మీద ఉప్పెన సృష్టించిన హీరో పంజా వైష్ణవ్ తేజ్, ఆ తర్వాత సరైన విజయం సొంతం చేసుకోలేకపోయాడు. కొండపొలం, రంగరంగ వైభవంగా సినిమాలు బాక్సఫీసు వద్ద తేలిపోయాయి.
ఐతే ప్రస్తుతం మరో కొత్త సినిమాతో ప్రేక్షకుల ముందుకు రాబోతున్నాడు వైష్ణవ్. ఆ విషయమై ఆల్రెడీ అనౌన్స్ మెంట్ ఇంతకుముందే వచ్చినప్పటికీ, ఇప్పుడు ఆ సినిమా విడుదల తేదీని ప్రకటిస్తూ పోస్టర్ ని రిలీజ్ చేసారు.
ఆ పోస్టర్ లో.. ఫెన్సింగ్ అవతల నిలబడి తీక్షణంగా చూస్తున్న వైష్ణవ్ ని, మసక మసగ్గా చూపించారు. వేసవిలో ఏప్రిల్ 29వ తేదీన ఈ సినిమాను విడుదల చేస్తున్నట్లు ప్రకటించారు.
దీంతో వేసవి వినోదానికి మరో మూవీ యాడ్ అయింది.
పంజా వైష్ణవ్ తేజ్
వేసవిలో వస్తున్న సినిమాలు
నాగ చైతన్య కస్టడీ సినిమా మే లో రిలీజ్ అవుతోంది. అలాగే తమిళ సినిమా పొన్నియన్ సెల్వన్, రెండవ భాగం ఏప్రిల్ 28వ తేదీన విడుదలకు సిద్ధంగా ఉంది. చిరంజీవి భోళాశంకర్ (ఏప్రిల్ 14), రవితేజ రావణాసుర (ఏప్రిల్ 07) వేసవిలో వస్తున్నాయి.
ఇంకా కొన్ని చిన్న సినిమాలు వేసవిలో విడుదలయ్యే అవకాశం ఉంది. ఇదిలా ఉంటే, పంజా వైష్ణవ్ తేజ్ నటిసిన ఈ సినిమాకు కొత్త దర్శకుడు శ్రీకాంత్ ఎన్ రెడ్డి దర్శకత్వం వహిస్తున్నారు.
సితార ఎంటర్ టైన్ మెంట్స్, ఫార్చూన్ ఫోర్ సినిమాస్ నిర్మాణ సంస్థలు సంయుక్తంగా నిర్మిస్తున్నాయి. నాగవంశీ, సాయి సౌజన్య నిర్మాతలుగా ఉన్నారు.
ధమాకాతో దుమ్ము దులుపుతున్న శ్రీలీల, ఈ సినిమాలో హీరోయిన్ గా నటిస్తోంది.