వెంకటేష్ కొత్త సినిమా సైంధవ్ నుండి గ్లింప్స్ విడుదల
ఈ వార్తాకథనం ఏంటి
విక్టరీ వెంకటేష్ అభిమానులకు అదిరిపోయే ట్రీట్ దొరికింది. వెంకటేష్, తన 75వ చిత్ర టైటిల్ ని ప్రకటించాడు. అంతేకాదు ఈ సినిమా నుండి చిన్నపాటి గ్లింప్స్ కూడా విడుదలైంది.
"సైంధవ్" అనే టైటిల్ తో ఈ సినిమా రూపొందుతోంది. "హిట్" ఫ్రాంఛైజీ దర్శకుడు శైలేష్ కొలను ఈ చిత్రానికి దర్శకత్వం వహిస్తున్నారు. రిలీజైన గ్లింప్స్ వీడియోలో, వెంకటేష్ చాలా మాస్ గా కనిపించారు.
సీరియస్ లుక్ తో, చేతిలో గన్ పట్టుకుని నడుస్తూ బైక్ దగ్గర ఆగిపోయి, "నేనిక్కడే ఉంటానురా, ఎక్కడికెళ్ళను, రమ్మను" అనే వార్నింగ్ డైలాగ్ తో అదరగొట్టాడు వెంకటేష్.
సైంధవ్ మూవీని పాన్ ఇండియా రేంజ్ లో తెలుగు, తమిళం, హిందీ, కన్నడ, మళయాలం భాషల్లో విడుదల చేస్తున్నారు
వెంకటేష్
కొత్తరూటులో సాహసం చేస్తున్న వెంకటేష్
జనరల్ గా వెంకటేష్ సినిమాల్లో వినోదం ఎక్కువగా ఉంటుంది. ఈ మధ్య చేసిన సినిమాల్లో కామెడీ ఎక్కువగా ఉండేలా చూసుకుంటున్నాడు వెంకీ. కానీ సైంధవ్ సినిమా మాత్రం యాక్షన్ ఎంటర్ టైనర్ గా రూపొందుతున్నట్లు గ్లింప్స్ చూస్తే తెలుస్తోంది.
మాసిన గడ్డం, చేతిలో గన్ చూస్తే.. ఫ్యామిలీ సినిమాలను వదిలేసి యాక్షన్ రూట్ లోకి వెంకీ వెళ్ళిపోయాడని అర్థం అవుతోంది. సినిమా టైటిల్ లో కూడా యాక్షన్ అంశాలు కనిపిస్తున్నాయి.
వెంకటేష్ కెరీర్లో 75వ సినిమాగా వస్తున్న సైంధవ్ మూవీని నిహారికా ఎంటర్ టైన్మెంట్ బ్యానర్ పై వెంకట్ బోయనపల్లి నిర్మిస్తున్నారు.
సంతోష్ నారాయణన్ సంగీతం అందిస్తున్నారు. హీరోయిన్ ఎవరనేది ఇంకా వెల్లడి చేయలేదు కానీ మరికొద్ది రోజుల్లో షూటింగ్ మొదలవుతుందని తెలిపారు.