Srikakulam Sherlockholmes: వెన్నెల కిషోర్ 'శ్రీకాకుళం షెర్లాక్ హోమ్స్' టీజర్ విడుదల
ఈ వార్తాకథనం ఏంటి
వెన్నెల కిషోర్, అనన్య నాగళ్ల ప్రధాన పాత్రల్లో నటించిన తాజా చిత్రం 'శ్రీకాకుళం షెర్లాక్ హోమ్స్'.
ఈ సినిమా క్రైమ్ కామెడీ థ్రిల్లర్ నేపథ్యంతో రూపొందించబడింది. రచయిత మోహన్ దర్శకత్వం వహించిన ఈ చిత్రానికి సంబంధించి ఇప్పటివరకు విడుదలైన అప్డేట్స్ ప్రేక్షకులలో ఆసక్తి రేకెత్తించాయి.
పోస్టర్లు, పాటలు ఇప్పటికే మంచి స్పందనను తెచ్చుకోవడంతో పాటు సినిమా మీద ఆసక్తిని పెంచాయి. ఈ చిత్రాన్ని డిసెంబర్ 25న విడుదల చేయాలని నిర్ణయించారు.
తాజాగా మేకర్స్ ఈ సినిమా టీజర్‌ను విడుదల చేశారు. టీజర్‌లో వెన్నెల కిషోర్ నటన, కామెడీ టైమింగ్ ప్రేక్షకులను ఆకట్టుకునేలా ఉన్నాయి.
ప్రత్యేకంగా, ఈ టీజర్ మొత్తం శ్రీకాకుళం యాసలో ఉండటం ఆసక్తికరంగా మారింది.
వివరాలు
అన్ని వర్గాల ప్రేక్షకులను ఆకట్టుకునేలా వెన్నెల కిషోర్ స్క్రీన్ ప్రెజెన్స్
వెన్నెల కిషోర్ ఆ యాసను బాగా హైలైట్ చేస్తూ, అద్భుతంగా ప్రదర్శించాడు.కథలో,పోలీసులకు కూడా చిక్కని పలు విషయాలను తనదైన శైలిలో ఇన్వెస్టిగేషన్ చేసి ఛేదించే తీరు వినోదాత్మకంగా కనిపిస్తుంది.
ఈ ప్రాసెస్ మొత్తం ఎలా సాగిందో తెలుసుకోవాలంటే మాత్రం సినిమా చూడాల్సిందే.
ఇప్పటివరకు క్రైమ్ కామెడీ థ్రిల్లర్ నేపథ్యంలో వచ్చిన చాలా సినిమాలు విజయవంతమయ్యాయి. ఇప్పుడు'శ్రీకాకుళం షెర్లాక్ హోమ్స్'టీజర్ చూస్తుంటే ఈ సినిమా కూడా అదే కోవలో విజయాన్ని సాధించే అవకాశాలు స్పష్టంగా కనిపిస్తున్నాయి.
వెన్నెల కిషోర్ కామెడీ టైమింగ్ గురించి ప్రత్యేకంగా చెప్పనవసరం లేదు, ఆయన స్క్రీన్ ప్రెజెన్స్ అన్ని వర్గాల ప్రేక్షకులను ఆకట్టుకునేలా ఉంటుంది.
ఇక టీజర్ చూసిన ప్రతి ఒక్కరూ ఈ సినిమా ఫుల్ ఎంటర్‌టైన్‌మెంట్ అందిస్తుందని భావిస్తున్నారు.