సమంత ఎస్ చెప్పడంతో రెండు సినిమాలను ఒకేసారి తీసుకురానున్న విజయ్ దేవరకొండ
ఈ వార్తాకథనం ఏంటి
లైగర్ సినిమాతో అపజయం అందుకున్న విజయ్ దేవరకొండ, ఈసారి గట్టిగా కొట్టాలని రెండు సినిమాలను ప్లాన్ చేస్తున్నాడు. మళ్ళీరావా, జెర్సీ చిత్రాల దర్శకుడు గౌతమ్ తిన్ననూరి తో కలిసి విజయ్ దేవరకొండ ఒక సినిమా చేస్తున్నాడు.
ఇందులో పోలీస్ ఆఫీసర్ గా విజయ్ కనిపించనున్నాడని సమాచారం. త్వరలో ఈ సినిమా షూటింగ్ మొదలు కానున్నట్లు సమాచారం.
నిజానికి ఈ సినిమా కంటే ముందు ఖుషి చిత్రాన్ని ఒప్పుకున్నాడు. సమంత హీరోయిన్ గా రూపొందుతున్న ఈ చిత్ర షూటింగ్, సమంత అనారోగ్యం కారణంగా మధ్యలో ఆగిపోయింది.
దాంతో గౌతమ్ తిన్ననూరితో చిత్రాన్ని స్టార్ట్ చేసాడు విజయ్. తాజా సమాచారం ప్రకారం, ఖుషి సినిమా కోసం సమంత రెడీ అవుతున్నట్లు తెలుస్తోంది.
విజయ్ దేవరకొండ
ఒకేసారి రెండు సినిమాలపై విజయ్ ఫోకస్
ఇటీవల శాకుంతలం ట్రైలర్ లాంచ్ ఈవెంట్ కోసం మీడియా ముందుకు వచ్చింది సమంత. అలాగే సిటాడెల్ అనే డ్రామా సిరీస్ లో నటిస్తున్నట్లు అధికారికంగా వార్తలు వచ్చాయి. రాజ్, డీకే దర్శకులు రూపొందిస్తున్న ఈ సిరీస్ అమెజాన్ లో విడుదల కానుంది.
సమంత రెడీగా ఉంది కాబట్టి ఖుషీ మూవీ షూటింగ్ ని మొదలుపెట్టాలని చిత్రనిర్మాణ నిర్ణయం తీసుకుంది. విజయ్ దేవర కొండ కూడా ఖుషీ కోసం తనను తాను ప్రిపేర్ చేసుకుంటున్నట్లు తెలుస్తోంది.
అటు గౌతమ్ తిన్ననూరి దర్శకత్వంలోని సినిమా, ఇటు ఖుషీ సినిమా.. రెండూ కూడా ఒకేసారి షూటింగ్ జరుపుకునే అవకాశాలు ఎక్కువగా ఉన్నాయి. కాబట్టి ఈ రెండు సినిమాల్లో విజయ్ లుక్ లో పెద్ద మార్పులేం ఉండకపోవచ్చని అంటున్నారు.