Madhyapradesh: మధ్యప్రదేశ్‌లో తప్పిన పెను ప్రమాదం.. ఒక్కసారిగా 30 అడుగులు కూలిన భారీ రోడ్డు..!
ఈ వార్తాకథనం ఏంటి
మధ్యప్రదేశ్ రాజధాని భోపాల్‌లోని బిల్ఖేరియాలో పెద్ద ప్రమాదం తప్పింది. రోడ్డు సడన్‌గా సుమారు 30 అడుగుల మేర కుంగిపోయింది. మండిదీప్ నుంచి ఇంత్ఖేడి వెళ్తున్న రోడ్డులోని వంతెన సమీపంలో ఈ ఘటన చోటు చేసుకున్నప్పటికీ, అదృష్టవశాత్తూ ఆ సమయంలో ఎటువంటి వాహనాలు ఆ రోడ్డు పై లేవు. ఈ ఘటనకు సంబంధించిన వీడియో సోషల్‌ మీడియాలో వైరల్ గా మారింది. ఈ వంతెనను దశాబ్దాల క్రితం నిర్మించారు. ఈ రహదారి మధ్యప్రదేశ్ రోడ్ డెవలప్‌మెంట్ కార్పొరేషన్ (MPRDC) పరిధిలో ఉంది. ఇండోర్, హోషంగాబాద్, జబల్‌పూర్, జైపూర్, మాండ్లా, సాగర్ వంటి ముఖ్యమైన మార్గాలను ఈ రోడ్డులు కలిపి ఉన్నాయి. ఈ ఘటన తరువాత రహదారుల నాణ్యతపై చర్చలు మొదలయ్యాయి.
వివరాలు
రీఎన్‌ఫోర్స్డ్ ఎర్త్ (RE) గోడ కూలిపోవడం ఈ సంఘటనకు కారణం
రహదారి కూలిపోవడంపై తక్షణ కారణాలను కనుగొనడానికి అధికారులు ప్రత్యేక బృందాన్ని ఏర్పాటు చేశారు. ప్రాథమిక తనిఖీలలో రీఎన్‌ఫోర్స్డ్ ఎర్త్ (RE) గోడ కూలిపోవడం ఈ సంఘటనకు కారణమని తెలుస్తోంది. దర్యాప్తు నివేదిక విడుదలైన తర్వాత ప్రమాదానికి గల కారణం స్పష్టమవుతుందని MPRDC డివిజనల్ మేనేజర్ సోనాల్ సిన్హా మీడియాకు తెలిపారు. ఈ వంతెనను 2013లో నిర్మించారు. అయితే, నిర్మాణ బాధ్యత వహించిన M/s ట్రాన్స్‌స్ట్రాయ్ ప్రైవేట్ లిమిటెడ్ 2020లో టెండర్ రద్దు చేయడంతో, అప్పటి నుండి ఈ రోడ్డును ఎటువంటి అధికారిక సంస్థ పర్యవేక్షించలేదు. గతంలో గ్వాలియర్‌లో 18 కోట్ల రూపాయల వ్యయంతో నిర్మించిన రోడ్, ప్రారంభించిన 15 రోజుల్లోనే కుంగిపోయిన సంగతి తెలిసిందే.
ట్విట్టర్ పోస్ట్ చేయండి
వీడియో చూస్తే షాకే..
#WATCH | Bhopal, Madhya Pradesh | A major section of the road near Bilkhiriya village collapsed. The road has been barricaded, and traffic has been diverted. (13.10) pic.twitter.com/mVI74tn8If
— ANI (@ANI) October 13, 2025