SSB SI Jobs 2026: 1.12 లక్షల జీతంతో సబ్ ఇన్స్పెక్టర్ పోస్టులకు నోటిఫికేషన్.. అర్హతలు ఇవే!

వ్రాసిన వారు Jayachandra Akuri

Mar 24, 2026

01:31 pm

ఈ వార్తాకథనం ఏంటి

కేంద్ర ప్రభుత్వానికి చెందిన సశస్త్ర సీమా బల్ (SSB)లో ఉద్యోగాల కోసం ఆసక్తి ఉన్న అభ్యర్థులకు శుభవార్త వచ్చింది. గ్రూప్-'సి' నాన్-గెజిటెడ్ విభాగంలో స్టాఫ్ నర్స్, పయనీర్, కమ్యూనికేషన్ విభాగాల్లో సబ్-ఇన్స్పెక్టర్ పోస్టుల భర్తీకి నోటిఫికేషన్ విడుదలైంది. ఈ నోటిఫికేషన్ ద్వారా మొత్తం 51 సబ్-ఇన్స్పెక్టర్ పోస్టులను భర్తీ చేయనున్నారు

వివరాలు

పోస్టుల వివరాలు:

సబ్ ఇన్స్పెక్టర్ (స్టాఫ్ నర్స్): 10 పోస్టులు సబ్ ఇన్స్పెక్టర్ (పయనీర్): 21 పోస్టులు సబ్ ఇన్స్పెక్టర్ (కమ్యూనికేషన్): 20 పోస్టులు విద్యార్హతలు స్టాఫ్ నర్స్ పోస్టులకు దరఖాస్తు చేసే అభ్యర్థులు 12వ తరగతి ఉత్తీర్ణతతో పాటు గుర్తింపు పొందిన సంస్థ నుంచి జనరల్ నర్సింగ్, మిడ్‌వైఫరీలో డిప్లొమా సర్టిఫికెట్ కలిగి ఉండాలి. అలాగే నర్సింగ్ కౌన్సిల్‌లో రిజిస్ట్రేషన్ తప్పనిసరి. పయనీర్ పోస్టులకు సివిల్ ఇంజినీరింగ్‌లో బ్యాచిలర్ డిగ్రీ ఉండాలి. కమ్యూనికేషన్ పోస్టులకు ఎలక్ట్రానిక్స్ అండ్ కమ్యూనికేషన్, కంప్యూటర్ సైన్స్, ఐటి ఇంజినీరింగ్ లేదా ఫిజిక్స్, కెమిస్ట్రీ, మ్యాథ్స్‌తో బ్యాచిలర్ డిగ్రీ పూర్తి చేసి ఉండాలి.

వివరాలు

వయోపరిమితి

అభ్యర్థుల వయస్సు గరిష్ఠంగా 30 సంవత్సరాలు ఉండాలి. ఎస్సీ/ఎస్టీ అభ్యర్థులకు 5 సంవత్సరాలు, ఓబీసీ అభ్యర్థులకు 3 సంవత్సరాలు, మాజీ సైనికులకు నిబంధనల ప్రకారం వయో సడలింపు ఉంటుంది. దరఖాస్తు ఫీజు జనరల్, ఈడబ్ల్యూఎస్, ఓబీసీ అభ్యర్థులు రూ.200 ఫీజు చెల్లించాలి. ఎస్సీ, ఎస్టీ, మహిళలు, ఎక్స్-సర్వీస్‌మెన్ అభ్యర్థులకు ఫీజు మినహాయింపు ఉంటుంది. దరఖాస్తు విధానం అభ్యర్థులు ఆన్‌లైన్ ద్వారా దరఖాస్తు చేసుకోవాలి. నోటిఫికేషన్ మార్చి 21, 2026న విడుదలైంది. విడుదలైన తేదీ నుంచి 30 రోజులలోపు దరఖాస్తులు సమర్పించాలి.

వివరాలు

ఎంపిక ప్రక్రియ

ఫిజికల్ ఎఫిషియన్సీ టెస్ట్ (PET), ఫిజికల్ స్టాండర్డ్ టెస్ట్ (PST), రాత పరీక్ష ఆధారంగా అభ్యర్థులను ఎంపిక చేస్తారు. జీతం ఎంపికైన అభ్యర్థులకు నెలకు రూ.35,400 నుంచి రూ.1,12,400 వరకు వేతనం ఉంటుంది. అదనంగా ప్రభుత్వ నిబంధనల ప్రకారం ఇతర అలవెన్సులు కూడా అందజేయబడతాయి. మొత్తంగా ఈ నోటిఫికేషన్ కేంద్ర ప్రభుత్వ ఉద్యోగాల కోసం సిద్ధమవుతున్న అభ్యర్థులకు మంచి అవకాశం అని చెప్పవచ్చు.