Kid Assaults: కుక్కను అనుకరించినందుకు.. 5 ఏళ్ల బాలుడిపై దాడి చేసిన వ్యక్తి(వీడియో)
పంజాబ్ రాష్ట్రంలోని మొహాలీలో ఓ వ్యక్తి ఐదేళ్ల బాలుడిపై దారుణంగా దాడి చేసిన ఘటన వెలుగులోకి వచ్చింది. ఈ ఘటన సీసీటీవీలో రికార్డ్ కావడంతో సోషల్ మీడియాలో పెద్ద దుమారమే రేగింది దారితీసింది. బాలుడు తన ట్యూషన్ క్లాస్ నుంచి ఇంటికి వస్తున్నప్పుడు కుక్క మొరుగడాన్ని అనుకరిస్తూ కనిపించగా, ఈ చర్య కుక్క యజమానికి కోపం తెప్పించింది. ఆగ్రహించిన యజమాని చిన్నారిపై దాడి చేశాడు.
సీసీటీవీ ఫుటేజీని ఆధారంగా విచారణ
సీసీటీవీ ఫుటేజీలో స్కూల్ బ్యాగ్ తో ఉన్న చిన్నారిపై ఆ వ్యక్తి క్రూరంగా దాడి చేస్తున్న దృశ్యాలు స్పష్టంగా కనిపించాయి. దాదాపు ఒక నిమిషం పాటు అతను బాలుడిని కొట్టడమే కాకుండా, నేలపై పడేసి, అతని ఛాతీపై కాలితో అదిమిపట్టాడు. అనంతరం, ఆ చిన్నారి మరో స్కూల్ డ్రెస్లో ఉన్న అమ్మాయితో కలిసి అక్కడి నుంచి వెళ్లిపోయాడు. ఈ వీడియో వైరల్ కావడంతో, పోలీసులు సీసీటీవీ ఫుటేజీని ఆధారంగా విచారణ ప్రారంభించారు. అయితే, ఈ దాడిలో చిన్నారికి గాయాలయ్యాయా లేదా అన్న విషయం ఇంకా స్పష్టంగా తెలియరాలేదు.