Punjab: పంజాబ్‌లో దారుణం.. డ్రగ్స్ అక్రమ విక్రయాలను ప్రశ్నించిన యాక్టివిస్ట్ లైవ్‌లోనే కాల్చివేత!
ఈ వార్తాకథనం ఏంటి
పంజాబ్‌లో డ్రగ్స్ అక్రమ విక్రయాలను వ్యతిరేకిస్తూ పోరాడుతున్న సామాజిక కార్యకర్త పర్విందర్ సింగ్ జోతా హత్యకు గురయ్యారు. మాన్సా పట్టణంలో ఓ మెడికల్ షాపు యజమాని ఆయనపై కాల్పులు జరిపాడు. ఈ ఘటన జోతా ఫేస్‌బుక్ లైవ్‌లో ప్రసారం కావడంతో కలకలం రేగింది. నిషేధిత మందుల విక్రయాలను ప్రశ్నించిన క్రమంలో ఈ ఘటన చోటుచేసుకుంది. కొన్నేళ్లుగా డ్రగ్స్ మాఫియాకు వ్యతిరేకంగా పోరాడుతున్న జోతా.. స్థానిక మెడికల్ షాపుల్లో సింథటిక్ డ్రగ్స్ అక్రమంగా విక్రయిస్తున్నారనే విషయాన్ని సోషల్ మీడియా లైవ్ వీడియోల ద్వారా వెలుగులోకి తెచ్చేవారు. ఈ క్రమంలోనే తాజాగా మాన్సాలోని అశ్వనీ కుమార్‌కు చెందిన మెడికల్ షాపు వద్దకు వెళ్లారు.
వివరాలు
నిషేధిత మందులు అమ్ముతున్నారని నిలదీయడంతో మొదలైన ఘర్షణ
అదే రోజు ఉదయం ఆ దుకాణంలో నిషేధిత మందులు కొనుగోలు చేశాడని చెబుతున్న ఓ వృద్ధుడిని కూడా తన వెంట తీసుకెళ్లారు.
అక్కడ డ్రగ్స్ విక్రయాల గురించి షాపు యజమానిని నిలదీయడంతో ఇద్దరి మధ్య తీవ్ర వాగ్వాదం జరిగింది.
ఈ ఘటనను జోతా తన ఫేస్‌బుక్ ఖాతాలో లైవ్ స్ట్రీమింగ్ చేస్తుండగా, అశ్వనీ కుమార్ తుపాకీ బయటకు తీశాడు.
అయినప్పటికీ జోతా వెనక్కి తగ్గకుండా, తనను కాల్చాలంటూ పలుమార్లు సవాలు విసిరారు.
దీంతో ఆగ్రహానికి గురైన షాపు యజమాని ఆయనపై కాల్పులు జరిపాడు.
ఈ కాల్పుల్లో బుల్లెట్లు జోతా పొట్ట, తొడ భాగాల్లోకి దూసుకెళ్లాయి.
వాటిలో ఓ బుల్లెట్ కాలేయాన్ని చీల్చడంతో ఆయన అక్కడికక్కడే కుప్పకూలిపోయారు.
వివరాలు
గతంలోనూ నిందితుడిపై పలు కేసులు ఉన్నట్లు వెల్లడి
వెంటనే ఆయనను మాన్సా సివిల్ ఆసుపత్రికి తరలించగా, అప్పటికే మరణించినట్లు వైద్యులు నిర్ధారించారు.
ఈ ఘటనలో జోతా సహచరుల్లో ఒకరు కూడా తీవ్రంగా గాయపడ్డారు.
కాల్పుల అనంతరం నిందితుడు అశ్వనీ కుమార్ అక్కడి నుంచి పరారయ్యాడు.
అతడిని పట్టుకునేందుకు పోలీసులు ప్రత్యేక బృందాలను ఏర్పాటు చేసి గాలింపు చర్యలు చేపట్టారు.
అశ్వనీ కుమార్‌పై గతంలోనూ పలు కేసులు నమోదైనట్లు పోలీసులు వెల్లడించారు.
మరోవైపు, తన సామాజిక కార్యకలాపాల్లో భాగంగా డ్రగ్స్‌కు వ్యతిరేకంగా పోరాడుతున్న జోతా కూడా 2023లో ఒకసారి అరెస్టయ్యారు.
ఈ హత్య ఘటన పంజాబ్‌లో మాదకద్రవ్యాల సమస్య, వాటి అక్రమ విక్రయాలపై జరుగుతున్న పోరాటంలో ఎదురవుతున్న సవాళ్లను మరోసారి చర్చకు తెచ్చింది.
ట్విట్టర్ పోస్ట్ చేయండి
పంజాబ్‌లో డ్రగ్స్‌కు వ్యతిరేకంగా పోరాడుతున్న కార్యకర్త దారుణ హత్య
Anti-drug crusader Parwinder Singh Jhota was shot dead in broad daylight in Mansa today by a medical store owner.
— Sarabjeet Singh Jhinjer (@SARBJEETJHINJER) October 13, 2026
Why is the @AAPPunjab administration sitting idle while innocent lives are lost every single day in Punjab? What is @BhagwantMann waiting for? Those who raise their… pic.twitter.com/76ZR9zUbAE