వరల్డ్ హ్యాపీనెస్ రిపోర్ట్ 2023: టాప్ లో ఫిన్లాండ్, మెరుగుపడ్డ ఇండియా స్థానం
ఈ వార్తాకథనం ఏంటి
మార్చ్ 20వ తేదిన ప్రపంచ ఆనంద దినోత్సవాన్ని జరుపుకున్నారు. ఈ సందర్భంగా యునైటెడ్ నేషన్స్, ప్రపంచ దేశాల్లో ఏయే దేశాల ప్రజలు ఎంత ఆనందంగా ఉంటున్నారో రిపోర్ట్ ఇచ్చింది. ఆ రిపోర్ట్ ప్రకారం ఫిన్లాండ్ దేశ ప్రజలు ఎక్కువ ఆనందంగా ఉన్నారు. అందువల్ల ఆనంద రిపోర్ట్ లో టాప్ లో నిలిచింది ఫిన్లాండ్. ఈ రిపోర్ట్ ని ఆ దేశాల తలసరి ఆదాయం, సమాజంలోని పరిస్థితులు, జీవితకాలం, తక్కువ అవినీతి మొదలగు విషయాలను పరిగణలోకి తీసుకుని తయారు చేస్తారు. రెండవ స్థానంలో డెన్మార్క్, మూడు, నాలుగవ స్థానాల్లో ఐస్ లాండ్, ఇస్రాయిల్ ఉన్నాయి. 5వ స్థానాన్ని నెదర్లాండ్ దక్కించుకుంది. న్యూజిలాండ్ 10, ఆస్ట్రేలియా 12, అమెరికా 15వ స్థానాల్లో ఉన్నాయి.
ప్రపంచ ఆనంద నివేదిక
మెరుగుపడిన ఇండియా స్థానం
ఈ రిపోర్ట్ లో మొత్తం 146దేశాలు ఉన్నాయి. అందులో ఇండియా స్థానం 126. మనదేశం కంటే బంగ్లాదేశ్, శ్రీలంక, నేపాల్, చైనా దేశాల వాళ్ళు ఎక్కువ ఆనందంగా ఉంటున్నారు. కాకపోతే గతేడాదితో పోల్చితే 10స్థానాలను మెరుగుపర్చుకుంది ఇండియా. అయితే ఇక్కడ చెప్పుకోవాల్సింది ఏంటంటే, యుద్ధ దేశాలైనా రష్యా, ఉక్రెయిన్ ల స్థానాలు మనదేశం కంటే మెరుగ్గా ఉన్నాయి. రష్యా 72వ స్థానంలో ఉంటే, ఉక్రెయిన్ 92స్థానాన్ని దక్కించుకుంది. ఇక ఆనందం అంచుల్లో ఉన్న దేశాల గురించి మాట్లాడుకుంటే అందులో ఆఫ్ఘనిస్థాన్, లెబనాన్ ఉన్నాయి. మొత్తానికి ఆనంద నివేదికలో ఇండియా స్థానం కాస్త మెరుగుపడినా, ఆశాజనకంగా లేదనీ, మరింత మెరుగుపడాల్సిన అవసరం చాలా ఉందని సోషల్ మీడియాలో కామెంట్స్ వస్తున్నాయి.