ప్రపంచ ఉపాధ్యాయ దినోత్సవం 2023: చరిత్ర, తెలుసుకోవాల్సిన విషయాలు
ఈ వార్తాకథనం ఏంటి
ప్రతీ ఏడాది ప్రపంచ ఉపాధ్యాయ దినోత్సవాన్ని అక్టోబర్ 5వ తేదీన జరుపుతారు.
ఉపాధ్యాయుల సేవలను గుర్తించడానికి, ప్రపంచ పౌరులను తీర్చిదిద్దడంలో ఉపాధ్యాయులు చేస్తున్న కృషిని గుర్తించడానికి ప్రపంచ ఉపాధ్యాయ దినోత్సవాన్ని జరుపుతున్నారు.
నేటి బాలలే రేపటి పౌరులు అంటారు. రేపటి పౌరుల భవిష్యత్తును తీర్చిదిద్దేది ఉపాధ్యాయులే.
ప్రపంచ ఉపాధ్యాయ దినోత్సవాన్ని 1994లో మొదలుపెట్టారు. పిల్లల భవిష్యత్తును తీర్చిదిద్దడంలో ఉపాధ్యాయులు చేస్తున్న పాత్రను గుర్తిస్తూ యునెస్కో కోసం 1994లో ప్రపంచ ఉపాధ్యాయ దినోత్సవాన్ని తీసుకొచ్చింది.
థీమ్:
ప్రతీ ఏడాది ప్రపంచ ఉపాధ్యాయ దినోత్సవం రోజున ప్రత్యేక థీమ్ ఉంటుంది. ఈ ఏడాది, మనకు కావాల్సిన విద్యను అందించడానికి ఉపాధ్యాయులు చాలా అవసరం అన్న థీమ్ ని నిర్ణయించారు.
Details
ఇండియాలో సెప్టెంబర్ 5వ తేదీన జరిగే ఉపాధ్యాయ దినోత్సవం
ఉపాధ్యాయుల కొరత లేకుండా చేయడానికి ఈ సంవత్సరం థీమ్ ని ఎంచుకున్నారు. రాను రాను ఉపాధ్యాయ రంగం వైపు వెళుతున్న వారు చాలా తక్కువగా ఉన్నారు.
ఈ కారణంగా భవిష్యత్తులో విద్యార్థులకు ఉపాధ్యాయులు తక్కువయ్యే ప్రమాదం ఉంది. అందుకే ఉపాధ్యాయుల కొరత రాకుండా చూసుకోవాలని ఈ థీమ్ ని నిర్ణయించారు.
ఇండియాలో ఉపాధ్యాయ దినోత్సవాన్ని ప్రతీ ఏడాది సెప్టెంబర్ 5వ తేదీన జరుపుతారు. డాక్టర్ సర్వేపల్లి రాధాకృష్ణన్ పుట్టినరోజు సందర్భంగా ఉపాధ్యాయ దినోత్సవాన్ని సెప్టెంబర్ 5వ తేదీన జరుపుతారు.
కరెక్ట్ గా ఒక నెల తర్వాత ప్రపంచవ్యాప్తంగా ప్రపంచ ఉపాధ్యాయ దినోత్సవాన్ని జరుపుతున్నారు. ఇండియాలో ఈ రెండు ఉపాధ్యాయ దినోత్సవాలను జరుపుకుంటున్నారు.