చంద్రయాన్ 3 ప్రయోగాన్ని ముందుండి నడిపిస్తున్న రీతూ శ్రీవాస్తవ గురించి తెలుసుకోవాల్సిన విషయాలు
ఈ వార్తాకథనం ఏంటి
చంద్రుడి పైకి భారతదేశం పంపిస్తున్న మూడవ మిషన్ లాంచ్ మరికాసేపట్లో ప్రారంభం కానుంది. మధ్యాహ్నం 2:35గంటలకు చంద్రయాన్-3 మిషన్ లాంచ్ కానుంది.
ఈ నేపథ్యంలో చంద్రయాన్-3 మిషన్ ని ముందుండి నడిపిస్తున్న రీతూ కర్దివాల్ శ్రీ వాస్తవ గురించి కొన్ని విషయాలు తెలుసుకుందాం.
రాకెట్ విమెన్ గా పిలవబడే శ్రీ వాస్తవ, భారత అంతరిక్ష పరిశోధనా కేంద్రంలో సీనియర్ సైంటిస్టుగా పనిచేస్తున్నారు. మార్స్ ఆర్బిటార్ మిషన్ రీతూ కీలక పాత్ర పోషించిందని వరల్డ్ ఎకనామిక్ ఫోరమ్ రాసుకొచ్చింది.
1996లో లండన్ లో భౌతిక శాస్త్రంలో ఎమ్మెస్ చేసిన రీతూ, ఆ తర్వాత ఇండియన్ ఇన్స్టిట్యూట్ ఆఫ్ సైన్ బెంగళూరులో ఎమ్ టెక్ చేసింది.
Details
1997లో ఇస్రోలో జాయిన్ అయిన రీతూ
చిన్నతనం నుండే అంతరిక్షం సంబంధిత విషయాల్లో ఆసక్తి పెంచుకున్న రీతూ, ఇస్రో, నాసా వంటి సంస్థలు ప్రచురించిన ఆర్టికల్స్ ను దాచి పెట్టుకునేది.
1997లో ఇస్రోలో ప్రవేశించిన రీతూ, భారత అంతరిక్ష పరిశోధనా సంస్థ నిర్వహించిన ఎన్నో ప్రయోగాల్లో తనవంతు పాత్ర పోషించింది. అంతేకాదు, ఎన్నో ప్రయోగాలకు ఆపరేషన్స్ డైరెక్టర్ గా బాధ్యతలు నిర్వర్తించింది.
జాతీయ, అంతర్జాతీయ పత్రికల్లో 20కి పైగా పేపర్స్ ని ప్రచురించారు రీతూ. రీతూ కర్దివాల్ శ్రీ వాస్తవ సారథ్యం వహిస్తున్న చంద్రయాన్-3 ప్రయోగంలో 54మంది మహిళలు ప్రత్యక్షంగా పాల్గొన్నారు.