సామ్ సాంగ్ మొబైల్: నైట్ విజన్ కెమెరాకు మరిన్ని మెరుగులు.. కొత్త మోడల్ విడుదల
ఈ వార్తాకథనం ఏంటి
స్మార్ట్ ఫోన్ కంపెనీలు మొబైల్ ఫోన్లలోని యాప్ ల మాదిరిగా ఎప్పటికప్పడు అప్డేట్ అవుతూనే ఉండాలి.
మొబైల్ ఫోన్ల కంపెనీలలో దిగ్గజంగా ఉన్న సామ్ సంగ్ మొబైల్స్, 2023లో తన వినియోగదారులకు ఆకర్షించేందుకు సరికొత్త మోడల్స్ ని ముందుకు తీసుకువస్తోంది.
2022లో సామ్ సాంగ్ అల్ట్రా ఎస్ 22 ని తీసుకొచ్చారు. ఇప్పుడు దానికి అడ్వాన్స్ వెర్షన్ గా అల్ట్రా ఎస్ 23ని తీసుకురాబోతున్నారు. ఇందులో కెమెరా క్వాలిటీ హై రేంజ్ లో ఉండనుందని సమాచారం.
200 మెగా పిక్సెల్ కెమెరాను కలిగి ఉండి తక్కువ వెలుతురులో కూడా ఫోటోలు తీయగలిగే సామర్థ్యం కలిగి ఉండేలా డిజైన్ చేసారు. ఈ సంవత్సరం ఫిబ్రవరిలో ఈ మోడల్ ని లాంచ్ చేయనున్నారు.
సామ్ సంగ్ మొబైల్స్
ఫ్లిప్, ఫోల్డ్ డిజైన్ లలో సరికొత్త మోడల్స్
ఆండ్రాయిడ్ ఆపరేటింగ్ సిస్టమ్ తో పనిచేసే సామ్ సంగ్ మొబైల్స్, దాని మోడల్స్ జాబితాకు ఫ్లిప్, ఫోల్డ్ డివైజ్ లను కూడా యాడ్ చేయనుంది. ప్రస్తుతం ఉన్న సామ్ సంగ్ జెడ్ ఫోల్డ్, జెడ్ ఫ్లిప్ లకు ధీటుగా మోడల్స్ ని తీసుకురానుంది.
"జెడ్ ఫోల్డ్ 5, జెడ్ ఫ్లిప్ 5" అనే మొబైల్స్ ని ఈ సంవత్సరం రెండవ భాగంలో తీసుకురానున్నారు.
ఈ వెర్షన్ లలో కెమెరాను అప్ గ్రేడ్ చేస్తున్నారు. ఈ సంవత్సరంలో సామ్ సంగ్ మొబైల్స్ నుండి "ఎస్ - పెన్" అనే సరికొత్త మోడల్స్ వచ్చే అవకాశం ఉంది.
మొత్తానికి ఈ సంవత్సరం కూడా సామ్ సంగ్ నుండి విభిన్నమైన మొబైల్ ఫోన్లు వస్తున్నాయి.