వేగంగా ఛార్జింగ్ అయ్యే GT Neo 5ను జనవరి 5న విడుదల చేయనున్నRealme
ఈ వార్తాకథనం ఏంటి
240W ఫాస్ట్ ఛార్జింగ్‌తో మొట్టమొదటి ఫోన్ రాబోతుంది. అదే Realme సంస్థ విడుదల చేయనున్న GT Neo 5. టెక్నాలజీ కమ్యూనికేషన్ సమావేశంలో జనవరి 5, 2023న తన ఫ్లాష్-చార్జింగ్ ఆవిష్కరణను ఆవిష్కరించబోతుంది.
ఈ సంవత్సరం ప్రారంభంలో, Realme 150W ఫాస్ట్ ఛార్జింగ్‌తో ఉన్న GT Neo 3ని విడుదల చేసింది, ప్రపంచవ్యాప్తంగా దీనికి మంచి ఆదరణ లభించింది.
Realme GT Neo 5 టాప్-సెంటర్డ్ పంచ్-హోల్ కట్-అవుట్, స్లిమ్, సిమెట్రిక్ బెజెల్స్, ప్లాస్టిక్ బాడీ, అండర్-డిస్ప్లే ఆప్టికల్ ఫింగర్ ప్రింట్ రీడర్‌ వంటి సౌకర్యాలతో వస్తుంది. వెనుకవైపు, పూర్తి-వెడల్పు కెమెరా మాడ్యూల్‌ ఉంటుంది.
బ్యాటరీ
రెండు బ్యాటరీ కాన్ఫిగరేషన్‌లలో వస్తున్న GT Neo 5
ఈ ఫోన్ లో 144Hz రిఫ్రెష్ రేట్, HDR10+ సర్టిఫికేషన్, 2,160Hz హై-ఫ్రీక్వెన్సీ PWM డిమ్మింగ్ మరియు గొరిల్లా గ్లాస్ 5 రక్షణతో 6.7-అంగుళాల QHD+ (1240x2772 పిక్సెల్‌లు) AMOLED ప్యానెల్‌ ఉంటుంది.
ఇది రెండు బ్యాటరీ కాన్ఫిగరేషన్‌లలో వచ్చే అవకాశం ఉంది, 5,000mAh మోడల్ 150W ఫాస్ట్ ఛార్జింగ్‌కు సపోర్ట్ ఇస్తే, 4,600mAh మోడల్ 240W ఫ్లాష్ ఛార్జింగ్ కు సపోర్ట్ ఇస్తుంది.
Realme GT Neo 5 లాంచ్ అయిన తర్వాత ధర ఇతర వివరాలు తెలిసే అవకాశం ఉంది. అయితే GT Neo 3 ప్రారంభ ధర రూ. 36,999. ఈ ఫోన్ కూడా ఇంచుమించు అదే ధర ఉండచ్చు.