Vinesh Phogat: పండంటి మగబిడ్డకు జన్మనిచ్చిన వినేష్ ఫోగట్
ఈ వార్తాకథనం ఏంటి
భారత ప్రముఖ రెజ్లర్‌, హర్యానా ఎమ్మెల్యే అయిన వినేశ్ ఫోగట్ మంగళవారం ఒక పండంటి మగబిడ్డకు జన్మనిచ్చారు. ఈ ఆనందకర ఘటన ఢిల్లీలోని ఒక ప్రైవేట్ ఆసుపత్రిలో చోటు చేసుకుంది. ఆమెకు ఇదే తొలి సంతానం కాగా, తల్లీబిడ్డ ఇద్దరూ ఆరోగ్యంగా ఉన్నారని ఆమె కుటుంబ సభ్యులు తెలిపారు. ప్రత్యేకంగా చెప్పాల్సిన విషయం ఏమంటే, వినేశ్ భర్త సోమ్‌వీర్ రాఠీ కూడా రెజ్లింగ్‌లోనే ప్రావీణ్యం పొందిన క్రీడాకారుడే.
వివరాలు
మా ప్రేమకథలో కొత్త అధ్యాయం మొదలవుతోంది
ఈ శుభవార్తను వినేశ్ అన్నయ్య హర్విందర్ ఫోగట్ మీడియాకి తెలిపారు. "వినేశ్ ఈ ఉదయం బాబుకు జన్మనిచ్చింది. తల్లీబిడ్డా ఇద్దరూ సంపూర్ణ ఆరోగ్యంతో ఉన్నారు. మా కుటుంబానికి ఇది అత్యంత సంతోషకరమైన క్షణం" అని ఆయన ఆనందం వ్యక్తం చేశారు. త్వరలోనే వినేశ్‌ను సోమ్‌వీర్ నివాసానికి తీసుకెళతామని, ఆమెను, నూతన శిశువును తమ స్వగ్రామమైన బలాలీలోని ప్రజలు ఎంతో ఆసక్తిగా ఎదురు చూస్తున్నారని ఆయన వెల్లడించారు. మార్చి నెలలోనే వినేశ్ తన గర్భం గురించి సోషల్ మీడియా ద్వారా పంచుకున్నారు. "మా ప్రేమకథలో కొత్త అధ్యాయం మొదలవుతోంది" అంటూ ఆమె షేర్ చేసిన పోస్ట్ అభిమానుల నుంచి, క్రీడాభిమానుల నుంచి విశేష స్పందనను పొందింది.
వివరాలు
బీజేపీ అభ్యర్థి యోగేశ్ కుమార్‌పై విజయం
గత కొన్ని నెలలుగా వినేశ్ వ్యక్తిగత, వృత్తిపర జీవితాల్లో ఎన్నో సవాళ్లను ఎదుర్కొన్నారు. గత ఏడాది పారిస్‌లో జరిగిన ఒలింపిక్స్‌కు సంబంధించిన క్వాలిఫయింగ్ పోటీలలో, ఆమె బరువు పరిమితి నిబంధనలు అతిక్రమించడంతో 50 కేజీల విభాగం ఫైనల్ నుంచి అనర్హతకు గురయ్యారు. ఆ సంఘటన తన క్రీడా జీవితంలో అత్యంత బాధాకరమైన ఘట్టంగా నిలిచిందని ఆమె వ్యాఖ్యానించారు. ఈ సంఘటనల తర్వాత వినేశ్ తన దృష్టిని రాజకీయాలవైపు మళ్లించారు. గత సెప్టెంబర్‌లో ఆమె భారత జాతీయ కాంగ్రెస్‌లో చేరి, హర్యానా అసెంబ్లీ ఎన్నికల్లో జులానా నియోజకవర్గం నుంచి పోటీ చేశారు. ఆ పోటీలో ఆమె బీజేపీ అభ్యర్థి యోగేశ్ కుమార్‌పై విజయం సాధించడం గమనార్హం.
ట్విట్టర్ పోస్ట్ చేయండి
తల్లీబిడ్డ ఇద్దరూ క్షేమంగా ఉన్నారని తెలిపిన కుటుంబ సభ్యులు
हरियाणा की रेसलर और जुलाना से कांग्रेस विधायक विनेश फोगाट मां बन गई हैं। उन्होंने मंगलवार सुबह बेटे को जन्म दिया। विनेश को कल शाम अस्पताल में भर्ती कराया गया था।#HaryanaNews #VineshPhotgathttps://t.co/hAiCtna7iN pic.twitter.com/KFuRkrZdDK
— Dainik Bhaskar (@DainikBhaskar) July 1, 2025