అమెరికా: జాహ్నవి మృతిపై దర్యాప్తు చేయాలని భారత్ డిమాండ్
ఈ వార్తాకథనం ఏంటి
ఈ ఏడాది జనవరిలో అమెరికాలోని సీటెల్‌లో రోడ్డు దాటుతుండగా పోలీసు పెట్రోలింగ్ వాహనం ఢీకొని తెలుగు విద్యార్థిని కందుల జాహ్నవి మృతి చెందిన విషయం తెలిసిందే.
తాజాగా జాహ్నవి మృతిపై విచారణ జరిపించాలని భారత్ డిమాండ్ చేసింది.
జాహ్నవి మరణం గురించి ఓ అమెరికా పోలీసు అధికారి అపహాస్యం చేస్తూ మాట్లాడటం బాడీక్యామ్ రికార్డ్ కాగా, అది వైరల్‌గా మారింది.
పోలీస్ అధికారి వీడియోపై శాన్ ఫ్రాన్సిస్కోలోని కాన్సులేట్ జనరల్ ఆఫ్ ఇండియా స్పందించారు.
పోలీసు అధికారి వీడియో తీవ్రమైన ఆందోళన కలిగిస్తుందని చెప్పారు.
ఈ విషాదకరమైన కేసులో ప్రమేయం ఉన్న వారిపై సమగ్ర విచారణ జరిపి, చర్యలు తీసుకోవాలని సీటెల్, వాషింగ్టన్ డీసీ అధికారుల దృష్టికి కాన్సులేట్ జనరల్ తీసుకెళ్లారు.
ట్విట్టర్ పోస్ట్ చేయండి
శాన్ ఫ్రాన్సిస్కోలోని కాన్సులేట్ జనరల్ ఆఫ్ ఇండియా చేసిన ట్వీట్
Recent reports including in media of the handling of Ms Jaahnavi Kandula’s death in a road accident in Seattle in January are deeply troubling. We have taken up the matter strongly with local authorities in Seattle & Washington State as well as senior officials in Washington DC
— India in SF (@CGISFO) September 13, 2023