Hassan Nasrallah: నస్రల్లా మృతి నిజమే.. ధ్రువీకరించిన హెజ్బొల్లా
ఈ వార్తాకథనం ఏంటి
ఇజ్రాయెల్ హెజ్బుల్లాపై లక్ష్యంగా దాడులు కొనసాగిస్తుండగా, హెజ్బొల్లా అధిపతి హసన్ నస్రల్లా మృతి చెందినట్లు ఇజ్రాయెల్ డిఫెన్స్ ఫోర్స్ ప్రకటించింది.
ఈ విషయంలో హెజ్బొల్లా కూడా స్పందించిది. తమ నాయకుడు నస్రల్లా ప్రాణాలు కోల్పోయినట్లు తెలిపింది.
ఇజ్రాయెల్ చర్యకు ప్రతీకారం తీర్చుకోవాలని హెజ్బొల్లా ప్రతిజ్ఞ చేసింది.
ఇజ్రాయెల్ జరిపిన వైమానిక దాడుల్లో తమ నాయకుడు నస్రల్లా మృతి చెందారని, అయితే, దీనికి ప్రతీకారం తీర్చుకోవడం తమ బాధ్యత అని హెజ్బొల్లా తెలిపింది.
పాలస్తీనాకు మద్దతుగా నిలబడి శత్రువుపై యుద్ధం కొనసాగిస్తామని వెల్లడించింది.
Details
పశ్చిమాసియాలో ఉద్రిక్తత పరిస్థితులు
ఇజ్రాయెల్ దళాలు బీరుట్‌లోని హెజ్బొల్లా ప్రధాన కార్యాలయంపై క్షిపణులు ప్రయోగించాయి. ఈ దాడుల్లో నస్రల్లా మరణించినట్లు ఐడీఎఫ్ 'ఎక్స్' (ట్విటర్) వేదికగా ప్రకటించింది.
నస్రల్లా ఇక ఉగ్రవాదంతో ప్రపంచాన్ని భయభ్రాంతులకు గురి చేయలేరని ఈ పోస్టులో పేర్కొంది. నస్రల్లా తన కుమార్తెతో సహా మరణించినట్లు కొన్ని మీడియా కథనాలు పేర్కొన్నాయి.
నస్రల్లా మృతితో పశ్చిమాసియాలో ఉద్రిక్తతలు మళ్ళీ ముదిరాయి. ఇజ్రాయెల్ దాడుల కారణంగా హెజ్‌బొల్లాకు భారీ నష్టం జరుగుతోంది.
ఈ నేపథ్యంలో ఇరాన్ తన బలగాలను లెబనాన్‌కు పంపేందుకు సిద్ధంగా ఉందని, ఆ దేశ ఉన్నత అధికారుల ద్వారా అంతర్జాతీయ మీడియా వెల్లడించింది.