రాయల్ ఎన్ ఫీల్డ్ ఇంటర్సెప్టార్ 650 బైక్ ఫీఛర్స్ తో సమానంగా ఉండే ఇతర బైక్స్
రాయల్ ఎన్ ఫీల్డ్ ఇంటర్సెప్టార్ 650ని ఈ సంవత్సరం పరిచయం చేసింది. దీని ధర 3.03లక్షలు(ఎక్స్ షోరూమ్). ఈ బైక్ కొంచెం పాతకాలం నాటిదిగా ఉంటుంది. దాని స్టైల్ అలాంటిది. అలాంటి స్టైల్ మీకు వద్దనుకుంటే మార్కెట్ లో ఉన్న ప్రత్యామ్నాయాలు ఏంటో చూద్దాం. ముందుగా రాయల్ ఎన్ ఫీల్డ్ ఇంటర్సెప్టార్ 650 ప్రత్యేకతలు: దీని ధర 3.03లక్షల నుండి 3.31లక్షల వరకు ఉంటుంది(ఎక్స్ షోరూమ్). టియర్ డ్రాప్ ఆకారంలోని ఇంధన ట్యాంక్, గుండ్రటి ఎల్ఈడీ హెడ్ లైట్, సింగిల్ పీస్ సీట్, రెండు చక్రాలకు డిస్క్ బ్రేక్స్, డ్యుయల్ ఛానెల్ ఏబీఎస్, టెలిస్కోపిక్ ఫ్రంట్ ఫోర్క్స్, రెండు వైపుల షాక్ అబ్సార్బ్స్ ఉంటాయి. 648సీసీ ఇంజన్ ను కలిగి ఉంది.
ఎక్కువ దూరాలు వెళ్ళడానికి పనికొచ్చే బైక్
ట్రియంప్ స్పిడ్ 400: 13లీటర్ల ఇంధన ట్యాంక్, సింగిల్ పీస్ సీట్, 17అంగుళాల అల్యూమినియం అలాయ్ వీల్స్, డిస్క్ బ్రేక్స్, డ్యుయల్ ఛానెల్ ఏబీఎస్, 398సీసీ వరకు పవర్ ఎత్తుకోగల ఈ బైక్, సింగిల్ సిలిండర్ ఇంజన్ తో ఉంటుంది. దీని ధర 2.33లక్షలు ఉంటుంది. బజాజ్ డామినార్ 400: ఎక్కువ దూరాలు ప్రయాణం చేయడం మీకిష్టమైతే ఈ బైక్ బాగా ఉపయోగపడుతుంది. స్టైలిష్ గా ఉండే ఇంధన ట్యాంక్, 17అంగుళాల అలాయ్ వీల్స్, డిస్క్ బ్రేక్స్, డ్యుయల్ ఛానల్ ఏబీఎస్, వెనకాల మోనో షాక్ యూనిట్ ఉంటుంది. 373.33సీసీ పవర్ ను కలిగి ఉండి సింగిల్ సిలిండర్ ఉంటుంది. దీని ధర 2.29లక్షలు ఉంటుంది.
ఆకట్టుకునే స్పోర్ట్స్ బైక్
టీవీఎస్ అపాచీ ఆర్ఆర్ 310: స్పోర్ట్స్ బైక్ కావాలనుకుంటే ఇంటర్సెప్టార్ 650కి వెళ్ళే బదులు టీవీఎస్ అపాచీకి వెళ్లవచ్చు. డ్యుయల్ ప్రొజెక్టర్ ఎల్ఈడీ హెడ్ ల్యాంప్స్, బ్లూటూత్ క్లస్టర్, ఎరుపు రంగులోని 17అంగుళాల అలాయ్ వీల్స్, డిస్క్ బ్రేక్స్, డ్యుయల్ ఛానల్ ఏబీఎస్ ఉంటాయి. 313సీసీ వరకు పవర్ ని ఎత్తుకునే ఈ బైకు, సింగిల్ సిలిండర్ ఉంటుంది. దీని ధర 2.72లక్షలు. కేటీఎమ్ 390డ్యూక్: చెక్కినట్టుండే ఇంధన ట్యాంక్, వేరు వేరుగా ఉండే సీట్లు, డిస్క్ బ్రేక్స్, డ్యుయల్ ఛానల్ ఏబీఎస్, ట్రాక్షన్ కంట్రోల్, వైర్ థ్రాటిల్ ఫీచర్స్ ఉంటాయి. 373సీసీ వరకు పవర్ ఎత్తుకునే ఈ బైక్, సింగిల్ సిలిండర్ ని కలిగి ఉంటుంది.