సిట్రోవెన్ కంపెనీ నుండి పాతకాలం నాటి డిజైన్ తో వస్తున్న క్యాంపర్ వ్యాన్ విశేషాలు
ఈ వార్తాకథనం ఏంటి
హాలీడే కాన్సెప్ట్ తో సిట్రోవెన్ కంపెనీ నుండి పాతకాలం నాటి డిజైన్ తో క్యాంపర్ వ్యాన్ వచ్చేస్తుంది. పెద్ద పెద్ద ఫ్యామిలీలు లేదా ఒక పెద్ద సమూహం కలిసి పర్యటనకు వెళ్ళడానికి ఈ వ్యాన్ సౌకర్యంగా ఉంటుంది.
ప్రస్తుతం ఈ వ్యాన్, ఫోర్డ్ కంపెనీకి చెందిన ట్రాన్సిట్ నగ్గెట్, వోక్స్ వాగన్ టీ17 కాలిఫోర్నియా క్యాంపర్ వ్యాన్ ల డిజైన్లకు పోటీనిచ్చేలా ఉంది.
ఈ వ్యాన్ బాడీ పాతకాలం నాటి కార్ల స్టయిల్ మాదిరిగా ఉంటుంది. స్లైడ్ డోర్స్, గుండ్రంగా ఉండే లైట్స్ ఉంటాయి. వ్యాన్ లోపల నలుగురు పడుకునే విధంగా సౌకర్యం ఉంటుంది.
Details
చెక్కతో చేసిన క్యాబిన్స్ ఉన్న క్యాంపర్ వ్యాన్
చెక్కతో చేసిన క్యాబిన్స్, ఒక చిన్నపాటికి కిచెన్ టేబుల్ ఉంటుంది. అయితే ఈ కారుకు సంబంధించిన ఎక్కువ వివరాలు ఇంకా వెల్లడి కాలేదు. ఈ సంవత్సరం చివర్లో వెల్లడయ్యే అవకాశం ఉంది.
క్యాంపర్ వ్యాన్ మార్కెట్ ని సిట్రోవెన్ టార్గెట్ చేస్తోంది. హాలీడేస్ ఎంజాయ్ చేయడానికి వినియోగదారులకు సరిపోయే క్యాంపర్ వ్యాన్ ని అందిస్తోంది.
పాతకాలం నాటి డిజైన్ తో రెట్రో ఫీలింగ్ కలగజేస్తూ అందరినీ ఆకర్షించాలని ప్రయత్నిస్తోంది.
అయితే ఈ కార్ ఫైనల్ ప్రొడక్షన్ చేరుకునేసరికి డిజైన్లలో మరిన్ని మార్పులు ఉండే అవకాశం ఉందని తెలుస్తోంది.