JSW Combat SUV: 1100 కిమీ రేంజ్తో జేఎస్డబ్ల్యూ కాంబాట్... డిసెంబర్ 4న లాంచ్
ఈ వార్తాకథనం ఏంటి
భారత ఆటో మొబైల్ మార్కెట్లోకి జేఎస్డబ్ల్యూ మోటార్స్ తన తొలి ప్యాసింజర్ ఎస్యూవీతో అడుగుపెట్టబోతోంది. డిసెంబర్ 4న ఆవిష్కరించనున్న ఈ కొత్త మోడల్కు 'కాంబాట్' అనే పేరు ఖరారు చేసినట్లు తెలుస్తోంది. అంతర్జాతీయంగా పేరున్న జెటూర్ టీ2 ఆధారంగా రూపొందిన ఈ ప్లగ్-ఇన్ హైబ్రిడ్ ఎస్యూవీని మహారాష్ట్రలోని ఛత్రపతి శంభాజీనగర్ ప్లాంట్లో తయారు చేయనున్నారు. ఐదుగురు ప్రయాణించే వీలున్న ఈ కారులో ఏకంగా 1,100 కిలోమీటర్ల వరకు రేంజ్ ఉంటుందన్న అంచనాలు ఇప్పుడు ఆటో మార్కెట్లో ఆసక్తి పెంచుతున్నాయి.
Details
360 హెచ్పీ పవర్.. 610 ఎన్ఎం టార్క్
కాంబాట్లో 1.5 లీటర్ టర్బో పెట్రోల్ ఇంజిన్కు 18.4 కిలోవాట్ అవర్ బ్యాటరీ, రెండు ఎలక్ట్రిక్ మోటార్లను జత చేశారు.
మూడు స్పీడ్ డెడికేటెడ్ హైబ్రిడ్ ట్రాన్స్మిషన్తో పనిచేసే ఈ వ్యవస్థ మొత్తం 360 హెచ్పీ పవర్, 610 ఎన్ఎం టార్క్ను అందిస్తుంది.
పూర్తిగా బ్యాటరీపై నడిస్తే 90 కిలోమీటర్ల వరకు ప్రయాణించవచ్చని అంచనా. పెట్రోల్ ట్యాంక్, బ్యాటరీ రెండింటినీ పూర్తిగా నింపితే 1,100 కిలోమీటర్ల వరకు వెళ్లే అవకాశం ఉంది.
Details
బాక్సీ లుక్తో అడ్వెంచర్ ఎస్యూవీ
కాంబాట్ డిజైన్లో జెటూర్ టీ2 బాక్సీ ఆకృతి కనిపిస్తుంది. అయితే భారత రోడ్లకు తగ్గట్టుగా కొన్ని మార్పులు చేసినట్లు స్పై చిత్రాలు చెబుతున్నాయి.
కొత్త హెడ్ల్యాంప్లు, మారిన బంపర్లు, 20 అంగుళాల అల్లాయ్ వీల్స్, బాడీ క్లాడింగ్, రూఫ్ రెయిల్స్ దీనికి దృఢమైన అడ్వెంచర్ లుక్ ఇస్తున్నాయి.
వెనుక భాగంలో స్పేర్ వీల్, నిలువు ఎల్ఈడీ టెయిల్ ల్యాంప్స్ ప్రత్యేక ఆకర్షణగా నిలవనున్నాయి.
Details
15.6 అంగుళాల స్క్రీన్.. 540 డిగ్రీ కెమెరా
క్యాబిన్లో 15.6 అంగుళాల ఇన్ఫోటైన్మెంట్ స్క్రీన్, 10.25 అంగుళాల డిజిటల్ క్లస్టర్ ఉన్నాయి.
వెంటిలేటెడ్ సీట్లు, మెమరీ ఫంక్షన్, 12 స్పీకర్ల సోనీ ఆడియో సిస్టమ్ వంటి ఫీచర్లు ప్రీమియం అనుభూతిని పెంచుతాయి.
భద్రత కోసం ఆరు ఎయిర్బ్యాగ్లు, లెవల్-2 ADASతో పాటు 540 డిగ్రీ కెమెరా వ్యవస్థ అందుబాటులో ఉండనుంది.
డిసెంబర్ 4న పూర్తి వివరాలు వెల్లడయ్యాక, ఈ కొత్త ప్లగ్-ఇన్ హైబ్రిడ్ ఎస్యూవీ మార్కెట్లో ఎలాంటి ప్రభావం చూపుతుందో స్పష్టమవుతుంది.