Maruti Suzuki Ertiga: సరికొత్త ఫీచర్లతో ఆకట్టుకుంటున్న మారుతీ సుజుకీ ఎర్టిగా
ఈ వార్తాకథనం ఏంటి
మారుతీ సుజుకీలో అత్యధికంగా ఆదరణ పొందిన ఎంపీవీ ఎర్టిగా (Maruti Suzuki Ertiga) కొత్త ఫీచర్లతో అప్‌డేట్‌ అయింది. ఎటువంటి హడావుడి లేకుండా తయారీదారులు ఈ మార్పులను జోడించడం విశేషం. తాజా బ్రోచర్‌లోని వివరాల ప్రకారం, కొత్త ఫీచర్లతో కారు లుక్‌లో మార్పు వచ్చి, వినియోగదారుల సౌకర్యాలు మరింత పెరగబడ్డాయి. పండుగల సీజన్‌కి ముందే వీటిని అందుబాటులోకి తీసుకురావడం గమనార్హం. వెనుక భాగంలో రూఫ్‌ స్పాయిలర్‌ డిజైన్‌ను కొత్త విధంగా మార్చారు, నలుపు రంగు కాబినేషన్‌ కారుకు మరింత ఆకర్షణీయంగా నిలుస్తుంది. ఇది అన్ని వేరియంట్లలో అందుబాటులో ఉంది.
Details
మూడో వరుస కోసం ప్రత్యేక ఏసీ వెంట్‌
రెండో వరుస ఏసీ వెంట్‌ను సెంటర్‌ కన్సోల్‌ వెనుకకు మార్చడం జరిగింది. మూడో వరుస కోసం ప్రత్యేక ఏసీ వెంట్‌ను ఏర్పాటు చేశారు. అదనంగా, టైప్‌-సి యూఎస్‌బీ పోర్టులు రెండో, మూడో వరుసలో జోడించబడ్డాయి, దీని ద్వారా ప్రయాణికులు మల్టిపుల్ పాయింట్లలో ఛార్జ్ చేసుకోవచ్చు. ఇతర భాగాల్లో ఎటువంటి మార్పులు చేయలేదు. ఎర్టిగా 1.5 లీటర్ పెట్రోల్ ఇంజిన్ 102 బీహెచ్పీ శక్తి, 136.8 ఎన్‌ఎం టార్క్‌ను ఉత్పత్తి చేస్తుంది. దీనికి 5-స్పీడ్ మాన్యువల్ లేదా 6-స్పీడ్ టార్క్ కన్వర్టర్ ఆటోమేటిక్ గియర్‌బాక్స్ అమర్చారు. అదే విధంగా, సీఎన్‌జీ వెర్షన్ అత్యధికంగా 87 బీహెచ్పీ శక్తిని అందిస్తుంది.