Skoda Slavia Monte Carlo: షిమ్లా గ్రీన్, స్టీల్ గ్రే రంగుల్లో స్కోడా స్లావియా
ఈ వార్తాకథనం ఏంటి
భారత మార్కెట్లో స్కోడా ఇండియా తన స్లావియా మోంటే కార్లో ఎడిషన్ సెడాన్కు రెండు కొత్త లిమిటెడ్-రన్ కలర్ ఆప్షన్లను అందుబాటులోకి తీసుకొచ్చింది. ఈ ప్రత్యేక రంగులు కేవలం 200 కార్లకే పరిమితం చేయనున్నట్లు కంపెనీ వెల్లడించింది. ఈ అప్డేట్తో ధరల్లో ఎలాంటి మార్పు చేయలేదు. ప్రస్తుతం ఈ మోడల్ ధర రూ.16.69 లక్షల నుంచి రూ.18.19 లక్షలు (ఎక్స్షోరూమ్) వరకు ఉంది. కొత్తగా అందుబాటులోకి వచ్చిన షిమ్లా గ్రీన్ మరియు స్టీల్ గ్రే డ్యూయల్ టోన్ కలర్స్ స్కోడా ర్యాలీ మోంటే కార్లో వారసత్వాన్ని గుర్తు చేసేలా రూపొందించినట్లు కంపెనీ తెలిపింది. ఈ కొత్త రంగులతో కారు మరింత ఆకర్షణీయంగా కనిపించేలా డిజైన్ చేసినట్లు పేర్కొంది.
వివరాలు
ఈ ఫీచర్లు యథాతథంగా
డిజైన్ పరంగా చూస్తే, స్లావియా మోంటే కార్లో ఎడిషన్లో ఇప్పటికే ఉన్న ప్రత్యేక స్టైలింగ్ కొనసాగింది.
మోంటే కార్లో బ్యాడ్జ్, బ్లాక్ కలర్ ఎక్స్టీరియర్ హైలైట్స్, షార్క్-ఫిన్ యాంటెన్నా, బంపర్ గార్నిష్, ట్రంక్ స్పాయిలర్, బ్లాక్డ్-అవుట్ బాడీ ఎలిమెంట్స్ వంటి ఫీచర్లు యథాతథంగా ఉన్నాయి.
ఇక క్యాబిన్లో బ్లాక్-రెడ్ కలర్ థీమ్తో స్పోర్టీ లుక్ను కొనసాగించారు.
ఇందులో 10 అంగుళాల టచ్స్క్రీన్ ఇన్ఫోటైన్మెంట్ సిస్టమ్, వైర్లెస్ ఆండ్రాయిడ్ ఆటో, ఆపిల్ కార్ప్లే, 8 అంగుళాల డిజిటల్ ఇన్స్ట్రుమెంట్ క్లస్టర్ వంటి ఆధునిక ఫీచర్లు ఉన్నాయి.
వివరాలు
ఆధునిక ఫీచర్లు
ఇంజిన్ విషయానికి వస్తే ఎలాంటి మార్పులు చేయలేదు. ఇందులో 1.0 లీటర్ TSI టర్బో పెట్రోల్ ఇంజిన్కు 6-స్పీడ్ టార్క్ కన్వర్టర్ ఆటోమేటిక్ గేర్బాక్స్, అలాగే 1.5 లీటర్ TSI టర్బో పెట్రోల్ ఇంజిన్కు 7-స్పీడ్ DSG ఆటోమేటిక్ ట్రాన్స్మిషన్ అందిస్తున్నారు.
1.0 లీటర్ ఇంజిన్ 115 హెచ్పీ పవర్, 178 ఎన్ఎం టార్క్ ఉత్పత్తి చేస్తే, 1.5 లీటర్ ఇంజిన్ 150 పీఎస్ పవర్, 250 ఎన్ఎం టార్క్ను అందిస్తుంది.