Jeep Wrangler Switchback: ఒకే కారులో రెండు కలర్స్‌.. జీప్ రాంగ్లర్ స్విచ్బ్యాక్ లుక్‌ చూస్తే ఫిదా అవ్వాల్సిందే!
ఈ వార్తాకథనం ఏంటి
ప్రముఖ ఆటో మొబైల్‌ సంస్థ జీప్ (Jeep) 2027 రాంగ్లర్ స్విచ్బ్యాక్ (Wrangler Switchback) స్పెషల్‌ ఎడిషన్‌ను ఆవిష్కరించింది. ప్రత్యేకమైన కలర్‌ కాంబినేషన్లతో రూపొందించిన ఈ వాహనం తన విభిన్నమైన రూపంతో ఆకట్టుకుంటోంది. జీప్ ఏడాది పొడవునా నిర్వహిస్తున్న 'Twelve 4 Twelve' క్యాంపెయిన్‌లో భాగంగా ఈ కొత్త మోడల్‌ను తీసుకొచ్చింది. ఇది కంపెనీకి చెందిన పాపులర్‌ రూబికాన్‌ ఎక్స్‌ (Rubicon X) ట్రిమ్‌ ఆధారంగా రూపొందింది. ఈ స్పెషల్‌ ఎడిషన్‌ రెండు డోర్లతో పాటు నాలుగు డోర్ల కాన్ఫిగరేషన్లలోనూ అందుబాటులోకి రానుంది. అమెరికాలో రెండు డోర్ల మోడల్‌ ధర 66,695 డాలర్లు కాగా, నాలుగు డోర్ల మోడల్‌ ధర 69,995 డాలర్లుగా నిర్ణయించారు.
వివరాలు
బ్లాక్‌ అండ్‌ గ్రే కలర్‌ కాంబినేషన్‌ ప్రత్యేకత
రాంగ్లర్ స్విచ్‌బ్యాక్‌లో గ్లోస్‌ బ్లాక్‌ (Gloss Black), స్టింగ్‌ గ్రే (Sting-Gray) రంగులతో కూడిన భాగాలను ప్రత్యామ్నాయంగా అమర్చడం ప్రధాన ఆకర్షణగా నిలుస్తోంది.
కొంతమంది వాహన యజమానులు తమ జీప్ వాహనాలకు ప్రత్యేకంగా చేయించుకునే కస్టమ్‌ బిల్డ్స్‌ తరహాలో ఈ మోడల్‌ను రూపొందించారు.
దీనికోసం ఉత్పత్తి సమయంలో అసెంబ్లీ లైన్‌లో గ్లోస్‌ బ్లాక్‌, స్టింగ్‌ గ్రే రంగుల రాంగ్లర్ వాహనాలను తయారు చేసి, ఆ తర్వాత వాటి డోర్లు, బానెట్‌లను పరస్పరం మార్చి అమర్చుతారు.
ఈ విధానం వల్ల వేర్వేరు రంగుల కలయికలు ఏర్పడతాయి.
వివరాలు
ఇంటీరియర్‌లో నప్పా లెదర్‌, ప్రత్యేక గ్రాఫిక్స్
ఉదాహరణకు, గ్రే రంగు బాడీకి బ్లాక్‌ డోర్లు, బానెట్‌ అమర్చిన మోడల్‌ ఒకటి కాగా, బ్లాక్‌ బాడీకి గ్రే రంగు భాగాలను జత చేసిన మరో కలయిక కూడా అందుబాటులో ఉంటుంది.
ఈ స్పెషల్‌ ఎడిషన్‌ ఇంటీరియర్‌ను నప్పా లెదర్‌ (Nappa Leather)తో రూపొందించారు. ఇందులో సీ సాల్ట్‌ (Sea Salt) యాక్సెంట్స్‌తో పాటు ప్రత్యేకమైన గ్రాఫిక్స్‌ను అందించారు.
అలాగే గ్రిల్‌, వీల్‌ రింగ్స్‌, బానెట్‌పై గ్రాఫిక్‌, స్వింగ్‌-గేట్‌ డెకాల్‌పై జెకో (Gecko) రంగు యాక్సెంట్స్‌ను చేర్చారు. ఇవి వాహనానికి మరింత ప్రత్యేకమైన రూపాన్ని అందిస్తాయి.
వివరాలు
ధర ఎంత? బుకింగ్స్‌ ఎప్పటి నుంచి?
రూబికాన్‌ ఎక్స్‌ మోడల్‌తో పోలిస్తే ఈ స్విచ్బ్యాక్ స్పెషల్‌ ఎడిషన్‌ ప్యాకేజీ కోసం అదనంగా 2,870 డాలర్లు చెల్లించాల్సి ఉంటుంది.
ఈ ప్రత్యేక వాహనం కోసం ఆర్డర్లు 2026 నవంబర్‌లో ప్రారంభం కానున్నాయి.