Car Start-Stop Button: కారు నడుస్తుండగా స్టార్ట్-స్టాప్ బటన్ పొరపాటున నొక్కితే ఏమవుతుంది?
ఈ వార్తాకథనం ఏంటి
దేశంలో ఇప్పుడు కీ లేకుండా స్టార్ట్ అయ్యే పుష్-బటన్ స్టార్ట్-స్టాప్ సిస్టమ్ ఉన్న కార్లు ఎక్కువయ్యాయి. అయితే డ్రైవ్ చేస్తూ ఉండగా ఈ బటన్ పొరపాటున నొక్కితే ఏం జరుగుతుందనే సందేహం చాలామందికి ఉంటుంది. సాధారణంగా ఆధునిక కార్లలో భద్రతా వ్యవస్థలు ఉండటంతో, కారు 5-10 కిమీ వేగానికి పైగా గేర్లో ఉంటే బటన్ నొక్కినా వెంటనే ఇంజిన్ ఆఫ్ కావదు. సిస్టమ్ దాన్ని పొరపాటు కమాండ్గా భావించి నిరాకరిస్తుంది. కానీ బటన్ను 2-3 సెకన్లు నొక్కిపెడితే మాత్రం ఇంజిన్ ఆఫ్ అయ్యే అవకాశం ఉంటుంది.
వివరాలు
స్టార్ట్-స్టాప్ బటన్ నొక్కితే కారులో వచ్చే మార్పులు ఏమిటి?
అప్పుడు స్టీరింగ్ కాస్త గట్టిగా మారుతుంది, బ్రేక్ ప్యాడల్ కఠినంగా అనిపిస్తుంది, ఆటోమేటిక్ కార్లలో న్యూట్రల్లోకి మారుతుంది. అయినప్పటికీ ABS వంటి భద్రతా వ్యవస్థలు పనిచేస్తూనే ఉంటాయి. కారు పూర్తిగా ఆగే వరకు స్టీరింగ్ లాక్ అవదు కాబట్టి నియంత్రణ పూర్తిగా కోల్పోరు, కానీ డ్రైవ్ చేయడానికి ఎక్కువ శ్రమ అవసరం అవుతుంది. కారు నిలిపి ఉంచినప్పుడు బటన్ నొక్కితే ఇంజిన్ ఆఫ్ అయి యాక్సెసరీ మోడ్లోకి మారుతుంది. ఇన్ఫోటైన్మెంట్, పవర్ విండోలు, లైట్లు కొంతసేపు పనిచేస్తాయి. కొత్తగా ఈ సిస్టమ్ ఉన్న కారు తీసుకున్నవారు బటన్ ఎక్కడ ఉందో, ఎలా పనిచేస్తుందో ముందుగానే తెలుసుకోవడం మంచిది.