SIP: నెలకు వేలు పెట్టుబడి పెట్టి కోట్లు సంపాదించండి.. ఈ లెక్కలు మీరు చూసేయండి!
ఈ వార్తాకథనం ఏంటి
పెట్టుబడి అనేది ఓపికతో కూడిన ప్రయాణం. దీన్ని విజయవంతంగా కొనసాగించాలంటే శ్రద్ధ, క్రమశిక్షణ చాలా అవసరం. ప్రతి నెలా ఒక నిర్ధిష్ట మొత్తాన్ని పెట్టుబడి చేయడం ద్వారా, సిప్ (సిస్టమేటిక్ ఇన్వెస్ట్‌మెంట్ ప్లాన్) రూపంలో దీర్ఘకాలికంగా స్థిరమైన లాభాలను పొందొచ్చు. సిప్‌ల ద్వారా మార్కెట్‌లో ఎప్పటికప్పుడు మారే పరిస్థితుల్లోనూ పెట్టుబడి రక్షణతో పాటు లాభాలు పొందే అవకాశముంటుంది. దీని ద్వారా పెట్టుబడిని విస్తృతంగా విభజించడంతో పాటు రిస్క్‌ను తగ్గించుకోవచ్చు.
వివరాలు
నెలకు ₹10,000 సిప్ పెట్టుబడిపై లెక్క
ఒక వ్యక్తి తన 25వ ఏట ప్రారంభించి ప్రతి నెలా ₹10,000 సిప్‌లో పెట్టుబడి చేస్తే, 60 ఏళ్ల వయస్సు వచ్చే వరకూ అదే స్థాయిలో పెట్టుబడి కొనసాగిస్తే మంచి ఫలితాలను పొందవచ్చు. ఇక్కడ వాస్తవిక లెక్కల ప్రకారం 12 శాతం వార్షిక రాబడిని అంచనా వేసుకుంటే, చివరికి అతనికి ₹5.51 కోట్లు విలువైన corpus సిద్ధమవుతుంది. అయితే, ఈ మొత్తాన్ని సంపాదించేందుకు అతను మొత్తం ₹42 లక్షల పెట్టుబడిని మాత్రమే చేశాడు. మిగిలిన మొత్తం వడ్డీ రూపంలో వచ్చిందన్నమాట. అంటే, నిబద్ధతతో, ఓర్పుతో పెట్టుబడి చేస్తే దీర్ఘకాలికంగా అద్భుతమైన సంపదను సృష్టించవచ్చు.
వివరాలు
నెలకు ₹20,000 సిప్ - కానీ ఆలస్యంగా మొదలైతే!
ఇంకొక ఉదాహరణగా, ఒకరు 35 ఏళ్ల వయస్సులో ప్రారంభించి ప్రతి నెలా ₹20,000 పెట్టుబడి చేస్తే, అదే 60 ఏళ్ల వయస్సులో ఆయనకు సుమారు ₹4.25 కోట్లు సంపద అవుతుంది. ఈ ప్రయాణంలో అతను ₹75 లక్షల మొత్తాన్ని పెట్టుబడిగా వెచ్చించాడు. ఈ లెక్కను పరిశీలిస్తే, మొత్తం పెట్టే డబ్బుతో పాటు పెట్టుబడి ప్రారంభించే సమయం కూడా ఎంత ముఖ్యమో స్పష్టంగా అర్థమవుతుంది. ముందుగానే ప్రారంభిస్తే, తక్కువ మొత్తంతోనే ఎక్కువ ఫలితాలు పొందవచ్చు.
వివరాలు
ఓపిక, క్రమశిక్షణే మంత్రము
సిప్‌లు కాలానుగుణంగా పెట్టుబడిని పెంచుతూ, రాబడి కలిగిస్తాయి. దీర్ఘకాలికంగా ఇవి పెట్టుబడి విలువను పెంచేందుకు సహాయపడతాయి. విజయవంతమైన సిప్ ప్రయాణానికి ఓర్పు, ధైర్యం, క్రమశిక్షణ అవసరం. అనిరుత్తంగా ప్రతి నెలా పెట్టుబడి చేస్తూ, మార్కెట్ హెచ్చుతగ్గులకు భయపడకుండా కొనసాగితే, చివరికి ఆశించిన సంపదను సొంతం చేసుకోవచ్చు.