Gold Prices: బంగారం కొనాలనుకునే వారికి శుభవార్త.. తగ్గిన పసిడి ధరలు
ఈ వార్తాకథనం ఏంటి
పండుగ సీజన్‌లో బంగారం కొనుగోలు చేయాలని భావిస్తున్న వారికి కొంత ఊరట లభించింది. హైదరాబాద్ బులియన్ మార్కెట్‌లో బంగారం ధరలు స్వల్పంగా తగ్గాయి. అంతర్జాతీయ మార్కెట్‌లో డాలర్ విలువ బలపడటంతో పసిడిపై ఒత్తిడి పెరిగిందని, ఈ ప్రభావంతోనే ధరలు తగ్గుముఖం పట్టాయని మార్కెట్ నిపుణులు అంచనా వేస్తున్నారు. పండుగ సమయంలో బంగారం ధరలు తగ్గడం కొనుగోలుదారులకు కొంత ఉపశమనం కలిగించే అంశంగా మారింది. బుధవారం ఉదయం నమోదైన ధరల ప్రకారం.. హైదరాబాద్‌లో 10 గ్రాముల 24 క్యారెట్ల బంగారం ధర రూ.1,49,280గా ఉంది. అదే 10 గ్రాముల 22 క్యారెట్ల పసిడి ధర రూ.1,36,840కు చేరింది. ఇక 18 క్యారెట్ల బంగారం ధర 10 గ్రాములకు రూ.1,11,960 వద్ద కొనసాగుతోంది.
వివరాలు
ప్రధాన నగరాలలో బంగారం,వెండి ధరలు
మరోవైపు వెండి ధరలో చెప్పుకోదగ్గ మార్పు కనిపించలేదు. ప్రస్తుతం కిలో వెండి ధర రూ.2,44,900గా స్థిరంగా ఉంది.
తెలుగు రాష్ట్రాల్లోని ప్రధాన నగరాలైన వరంగల్, విజయవాడ, విశాఖపట్నం, తిరుపతి, ఖమ్మంలోనూ ఇదే ధరలు కొనసాగుతున్నాయి.
ముంబై, బెంగళూరు, చెన్నై వంటి ఇతర ప్రధాన నగరాల్లో కూడా పసిడి ధరలు ఇదే స్థాయిలో ఉన్నాయి.
అయితే దేశ రాజధాని ఢిల్లీలో మాత్రం బంగారం ధర కొద్దిగా ఎక్కువగా నమోదైంది. అక్కడ 10 గ్రాముల 24 క్యారెట్ల పసిడి ధర రూ.1,49,430గా ఉంది.
వివరాలు
గమనిక
అయితే అంతర్జాతీయ మార్కెట్‌లో చోటుచేసుకునే పరిణామాలు, డాలర్ విలువలో మార్పులు సహా పలు అంశాలు బంగారం, వెండి ధరలను ప్రభావితం చేస్తుంటాయి.
దీంతో ఈ ధరలు ఎప్పటికప్పుడు మారే అవకాశం ఉంటుంది.
అందువల్ల ఆభరణాలు కొనుగోలు చేయాలనుకునే వారు నగల దుకాణాలకు వెళ్లే ముందు స్థానికంగా అమల్లో ఉన్న తాజా ధరలను తెలుసుకోవాలని మార్కెట్ నిపుణులు సూచిస్తున్నారు.