Gold Price Today: ఉగాది ముందు శుభవార్త.. భారీగా పడిపోయిన బంగారం, వెండి ధరలు

వ్రాసిన వారు Jayachandra Akuri

Mar 14, 2026

11:17 am

ఈ వార్తాకథనం ఏంటి

అంతర్జాతీయ మార్కెట్ల ప్రభావంతో దేశవ్యాప్తంగా బంగారం, వెండి ధరల్లో కీలక మార్పులు చోటుచేసుకుంటున్నాయి. కొన్ని రోజులుగా పెరుగుతూ వచ్చిన ఈ రెండు లోహాల ధరలు ఇప్పుడు క్రమంగా తగ్గుముఖం పట్టాయి. మార్చి 14 (శనివారం) హైదరాబాద్ మార్కెట్లో బంగారం, వెండి ధరలు గణనీయంగా పడిపోవడంతో కొనుగోలుదారులకు ముఖ్యంగా మహిళలకు కొంత ఉపశమనం లభించింది.

Details

ఒక్కరోజులోనే భారీ తగ్గుదల

శుక్రవారం ఒక్కరోజులోనే బంగారం ధర తులానికి రూ.1500కు పైగా తగ్గింది. వెండి ధరలు కూడా భారీగా క్షీణించాయి. కిలో వెండి ధరలో రూ.10,000కు పైగా పడిపోయింది. గత రెండు మూడు రోజుల వ్యవధిలో చూస్తే తులం బంగారం ధర దాదాపు రూ.3000 వరకు తగ్గినట్టు మార్కెట్ వర్గాలు చెబుతున్నాయి.

Details

ప్రధాన నగరాల్లో బంగారం ధరలు

తాజా ధరలను పరిశీలిస్తే హైదరాబాద్‌లో 24 క్యారెట్ల 10 గ్రాముల బంగారం ధర రూ.1,60,680గా ఉండగా, 22 క్యారెట్ల 10 గ్రాముల బంగారం ధర రూ.1,47,290గా ఉంది. విజయవాడలో కూడా ఇదే స్థాయిలో ధరలు కొనసాగుతున్నాయి. అక్కడ 24 క్యారెట్ల 10 గ్రాముల బంగారం రూ.1,60,680 కాగా, 22 క్యారెట్ల బంగారం రూ.1,47,290గా ఉంది. దేశ రాజధాని ఢిల్లీలో 24 క్యారెట్ల 10 గ్రాముల బంగారం ధర రూ.1,60,830గా ఉండగా, 22 క్యారెట్ల బంగారం రూ.1,47,440గా ఉంది.

Details

బెంగళూరులో 24 క్యారెట్ల 10 గ్రాముల బంగారం రూ.1,60,680

ముంబైలో 24 క్యారెట్ల 10 గ్రాముల బంగారం ధర రూ.1,60,680 కాగా, 22 క్యారెట్ల బంగారం రూ.1,47,290గా ఉంది. చెన్నైలో మాత్రం ఇతర నగరాలతో పోలిస్తే ధరలు కొంత ఎక్కువగా ఉన్నాయి. అక్కడ 24 క్యారెట్ల 10 గ్రాముల బంగారం రూ.1,62,550గా ఉండగా, 22 క్యారెట్ల బంగారం రూ.1,48,990గా ఉంది. బెంగళూరులో 24 క్యారెట్ల 10 గ్రాముల బంగారం రూ.1,60,680 కాగా, 22 క్యారెట్ల బంగారం రూ.1,47,290గా ఉంది. కేరళలో కూడా ఇదే ధరలు కొనసాగుతున్నాయి. వెండి ధరలు వెండి ధరల విషయానికి వస్తే హైదరాబాద్‌లో కిలో వెండి ధర రూ.2,89,900 వద్ద ట్రేడవుతోంది. ఇతర నగరాల్లో మాత్రం ఇది మరింత తక్కువగా ఉండి సుమారు రూ.2,79,800 వరకు ఉంది.

Details

ధరలను ప్రభావితం చేసే అంశాలు

భారతదేశంలో బంగారం, వెండి ధరలు అనేక అంశాలపై ఆధారపడి మారుతుంటాయి. అంతర్జాతీయ మార్కెట్ రేట్లు, దిగుమతి సుంకాలు (ఇంపోర్ట్ డ్యూటీలు), పన్నులు, రూపాయి-డాలర్ మారకపు విలువ వంటి అంశాలు ప్రధాన ప్రభావాన్ని చూపుతాయని బులియన్ మార్కెట్ నిపుణులు చెబుతున్నారు. ఈ అన్ని కారణాలు కలిసి ప్రతిరోజూ దేశవ్యాప్తంగా బంగారం ధరలను నిర్ణయిస్తాయి. మన భారతీయ సంస్కృతిలో బంగారానికి ప్రత్యేక స్థానం ఉంది. పెట్టుబడిగా కూడా ప్రజలు ఎక్కువగా ఎంచుకునే మార్గాల్లో ఇది ఒకటి. ముఖ్యంగా పెళ్లిళ్లు, పండుగల సమయంలో బంగారం కొనుగోలు కీలక పాత్ర పోషిస్తుంది.