Indian Railway: రైల్వే ప్రయాణికులకు శుభవార్త.. వెయిటింగ్ లిస్టు టికెట్ల కన్‌ఫర్మేషన్‌పై కీలక ప్రకటన
ఈ వార్తాకథనం ఏంటి
రైల్వే ప్రయాణికులు తరచుగా వెయిటింగ్ లిస్టు టికెట్లు అందుకున్నప్పుడు తమ టికెట్ కన్‌ఫర్మ్ అవుతుందా లేదా అన్న సందిగ్ధతలో ఉంటారు. ఇది ముఖ్యంగా ఈ సమస్య సెలవుల సమయంలో అధికంగా ఉంటుంది. టికెట్ కన్‌ఫర్మేషన్‌ అవుతుందా లేదా అన్నది అంచనా వేయడం చాలా కష్టమవుతుంది. పండుగలు, సెలవు సీజన్లలో రైలు టికెట్లకు భారీ డిమాండ్ ఉంటుంది. కొన్నిసార్లు వెయిటింగ్ లిస్టు సంఖ్య 500ను కూడా దాటి వెళ్లుతుంది. ఈ పరిస్థితుల్లో టికెట్ కన్‌ఫర్మేషన్‌ అవకాశాలు తగ్గిపోతాయి. ఇండియన్ రైల్వే తాజాగా టికెట్ కన్‌ఫర్మేషన్‌ అవకాశాలపై కొన్ని వివరాలు వెల్లడించింది. వెయిటింగ్ లిస్టు టికెట్లు రెండు మార్గాల్లో కన్‌ఫర్మ్ అవుతాయి:
Details
1. సాధారణ క్యాన్సిలేషన్లు
సగటున 21శాతం మంది ప్రయాణికులు బుకింగ్‌ చేసిన తరువాత తమ టికెట్లను క్యాన్సిల్ చేస్తారు. ఉదాహరణకు ఒక స్లీపర్ కోచ్‌లో 72 సీట్లు ఉంటే, దాదాపు 14 సీట్లు ఖాళీ అవుతాయి. అలాగే 4-5% మంది టికెట్ తీసుకున్నప్పటికీ ప్రయాణం చేయరు. ఇలా కలిపితే సుమారు 25% లేదా 18 సీట్లు ఒక్కో కోచ్‌లో వెయిటింగ్ లిస్టు టికెట్ కోసం ఖాళీ అవుతాయి. 2. ఎమర్జెన్సీ కోటా ఇండియన్ రైల్వే అత్యవసర అవసరాల కోసం (ఉదాహరణకు, వైద్య సంబంధిత పరిస్థితులు) 10% సీట్లు ఎమర్జెన్సీ కోటా కింద కేటాయిస్తుంది. ఈ 10% సీట్లు పూర్తిగా వినియోగం కాకపోతే, మిగిలిన వాటిని వెయిటింగ్ లిస్టు టికెట్ల కన్‌ఫర్మేషన్‌ కోసం ఉపయోగిస్తారు.
Details
వెయిటింగ్ లిస్టు టికెట్ కన్‌ఫర్మేషన్‌ అవకాశాలు ఇవే
ఒక రైలులో 10 స్లీపర్ కోచ్‌లు ఉన్నాయని అనుకుంటే, ఒక్కో కోచ్‌లో 18 టికెట్లు వెయిటింగ్ లిస్టు నుంచి కన్‌ఫర్మ్ అవుతాయి. మొత్తం 180 టికెట్లు అన్ని స్లీపర్ కోచ్‌లలో ఖాళీ అవుతాయి. ఇదే థర్డ్ ఏసీ, సెకండ్ ఏసీ, ఫస్ట్ ఏసీ కోచ్‌లకు కూడా వర్తిస్తుంది. సాధారణ క్యాన్సిలేషన్లు, వినియోగించని ఎమర్జెన్సీ కోటా సీట్లను కలిపి ప్రయాణికులు తమ వెయిటింగ్ లిస్టు టికెట్ కన్‌ఫర్మేషన్‌ అవకాశాలను అంచనా వేసుకోవచ్చు. ఇది ప్రయాణం కోసం ముందుగానే సమగ్ర ప్రణాళికలు చేసుకునేందుకు తోడ్పడుతుంది.