Gold Rates: బంగారం కొనాలనుకునేవారికి శుభవార్త.. మరోసారి తగ్గిన గోల్డ్ ధరలు.. తెలుగు రాష్ట్రాల్లో తాజా రేట్లు ఇవే!
ఈ వార్తాకథనం ఏంటి
బంగారం కొనుగోలు చేయాలనుకునేవారికి మరోసారి శుభవార్త అందింది. గత రెండు రోజులుగా పసిడి ధరలు వరుసగా తగ్గుముఖం పడుతున్నాయి. ప్రస్తుతం పెళ్లిళ్ల సీజన్ మళ్లీ ప్రారంభం కావడంతో బంగారం కొనుగోళ్లు పెరుగుతున్నాయి. ఇలాంటి సమయంలో ధరలు తగ్గడం వినియోగదారులకు భారీ ఊరటను కలిగిస్తోంది. దీంతో చాలామంది తక్కువ ధరలోనే బంగారం కొనుగోలు చేసి నిల్వ చేసుకోవాలని ఆసక్తి చూపిస్తున్నారు.
వివరాలు
తగ్గిన బంగారం ధరలు
దేశీయ బులియన్ మార్కెట్లో 10 గ్రాముల 24 క్యారెట్ల బంగారం ధర ప్రస్తుతం రూ.1,44,330గా ఉంది. బుధవారం ఒక్కరోజులోనే ఈ ధర రూ.270 మేర తగ్గింది. అదే సమయంలో 10 గ్రాముల 22 క్యారెట్ల బంగారం ధర రూ.1,32,300 వద్ద కొనసాగుతోంది. ఈ విభాగంలో ధరలు రూ.250 మేర తగ్గాయి. హైదరాబాద్లో గోల్డ్ రేట్లు హైదరాబాద్లో 10 గ్రాముల 24 క్యారెట్ల బంగారం ధర రూ.1,44,330గా ఉండగా, 22 క్యారెట్ల బంగారం ధర రూ.1,32,300గా నమోదైంది. విజయవాడ, విశాఖలో ధరలు విజయవాడ, విశాఖపట్నం నగరాల్లో కూడా హైదరాబాద్కు సమానంగానే బంగారం ధరలు కొనసాగుతున్నాయి. 24 క్యారెట్ల బంగారం రూ.1,44,330గా ఉండగా, 22 క్యారెట్ల బంగారం రూ.1,32,300 వద్ద లభిస్తోంది.
వివరాలు
ఇతర ప్రధాన నగరాల్లో గోల్డ్ రేట్లు
చెన్నైలో 10 గ్రాముల 24 క్యారెట్ల బంగారం ధర రూ.1,47,920గా ఉండగా, 22 క్యారెట్ల బంగారం ధర రూ.1,35,590గా ఉంది. బెంగళూరులో 24 క్యారెట్ల బంగారం ధర రూ.1,44,330గా నమోదైంది. 22 క్యారెట్ల బంగారం ధర రూ.1,32,300 వద్ద కొనసాగుతోంది. దేశ రాజధాని ఢిల్లీలో 24 క్యారెట్ల బంగారం ధర రూ.1,44,480గా ఉండగా, 22 క్యారెట్ల బంగారం ధర రూ.1,32,450గా ఉంది. స్థిరంగా వెండి ధరలు బంగారం ధరలు తగ్గినా వెండి ధరల్లో మాత్రం ఎలాంటి మార్పు కనిపించలేదు. ఢిల్లీలో కిలో వెండి ధర రూ.2.45 లక్షలుగా కొనసాగుతోంది. హైదరాబాద్లో కిలో వెండి ధర రూ.2,49,900గా ఉండగా, చెన్నైలో కూడా అదే ధర కొనసాగుతోంది.
వివరాలు
బంగారం ధరలు ఎందుకు తగ్గుతున్నాయి?
అమెరికా-ఇరాన్ మధ్య శాంతి ఒప్పందం కుదరడం, అంతర్జాతీయ మార్కెట్లో ముడి చమురు (క్రూడ్ ఆయిల్) ధరలు తగ్గడం వంటి పరిణామాలు బంగారం ధరలపై ప్రభావం చూపుతున్నాయి. సాధారణంగా ప్రపంచ ఆర్థిక, రాజకీయ పరిస్థితులకు అనుగుణంగా పసిడి ధరలు మారుతూ ఉంటాయి. ఇటీవల యుద్ధ ఉద్రిక్తతలు తగ్గుముఖం పట్టడంతో పెట్టుబడిదారులు మళ్లీ యూఎస్ డాలర్, బాండ్ల వైపు మొగ్గు చూపుతున్నారు. ఈ కారణంగా బంగారంపై డిమాండ్ కొంత తగ్గి, ధరలు దిగివస్తున్నట్లు మార్కెట్ నిపుణులు పేర్కొంటున్నారు.