MC-Deloitte CXO Survey: RBI రెపో రేటు.. 25 బేసిస్ పాయింట్లు తగ్గే అవకాశం, సర్వేలో CEOల అభిప్రాయం

వ్రాసిన వారు Sirish Praharaju

Jan 28, 2026

02:17 pm

ఈ వార్తాకథనం ఏంటి

ఇండియన్ పరిశ్రమలోని అత్యధిక మంది ప్రతినిధులు రాబోయే ఆరు నెలల్లో రిజర్వ్ బ్యాంక్ ఆఫ్ ఇండియా (RBI) రెపో రేటు 25 బేసిస్ పాయింట్లు (Bps) తగ్గించవచ్చని అంచనా వేసారు. ఇది Moneycontrol-Deloitte సర్వేలో 45 సీఈఓలతో చేయబడిన సర్వే ఫలితాల్లో వెల్లడయింది. సర్వే ప్రకారం,43.46% ప్రతినిధులు RBI 25 బేసిస్ పాయింట్లు తగ్గించవచ్చని భావిస్తున్నారు. 28.27% ప్రతినిధులు రేట్లు ఒక స్థిరంగా ఉంచే అవకాశం ఉందని చెప్పగా,26.07% మంది RBI రేట్లను 25-50 బేసిస్ పాయింట్లు తగ్గించవచ్చని ఊహిస్తున్నారు. మిగతా ప్రతినిధులు RBI రేట్లను 50-100 బేసిస్ పాయింట్లు లేదా 100 పైగా తగ్గించవచ్చని నమ్ముతున్నారు. ఈ Moneycontrol-Deloitte CXO సర్వే డిసెంబర్ 2025 నుండి జనవరి 2026 వరకు జరిపింది.

వివరాలు

మూడు రకాల సంస్థలకు ప్రాతినిధ్యం వహిస్తున్న సర్వేలో పాల్గొన్న ప్రతినిధులు

సర్వేలో బ్యాంకింగ్ & ఇన్సూరెన్స్, మాన్యుఫ్యాక్చరింగ్, ట్రాన్స్‌పోర్ట్ & లాజిస్టిక్స్, ఎనర్జీ, లైఫ్ సైన్సెస్ & హెల్త్, టెలికాం & టెక్, ఈ-కామర్స్ వంటి వివిధ పరిశ్రమల CXOలతో చర్చ జరిగింది. సర్వేలో పాల్గొన్న ప్రతినిధులు మూడు రకాల సంస్థలకు ప్రాతినిధ్యం వహిస్తున్నారు. రూ. 3,000 కోట్లకు పైగా టర్నోవర్ ఉన్నఅతి పెద్ద కార్పొరేట్లు,రూ. 500 కోట్ల నుంచి రూ. 3,000 కోట్ల మధ్య టర్నోవర్ ఉన్న పెద్ద సంస్థలు, అలాగే రూ. 500 కోట్లలోపు టర్నోవర్ ఉన్న MSME సంస్థలు ఇందులో ఉన్నాయి. జనవరి 22న Moneycontrol నిర్వహించిన పోల్‌లో 14 మంది ఆర్థిక నిపుణులు, బ్యాంక్ ట్రెజరీ హెడ్‌లు, ఫండ్ మేనేజర్లు పాల్గొన్నారు.

వివరాలు

RBI 25 బేసిస్ పాయింట్ల తగ్గింపుకు అవకాశం

ఈ పోల్ ప్రకారం, ఫిబ్రవరి మనీటరీ పాలసీ సమీక్షలో RBI మనీటరీ పాలసీ కమిటీ (MPC) వడ్డీ రేట్లను యథాతథంగా ఉంచే అవకాశం ఎక్కువగా ఉందని వెల్లడైంది. ఎక్స్పర్ట్స్ అభిప్రాయం ప్రకారం, అధిక వృద్ధి,సగటున 4% మధ్యకాలపు లక్ష్యానికి దగ్గరగా ఉన్న ద్రవ్యోల్బణం MPC కు తట్టుకోదగిన పరిస్థితిని ఇస్తుంది. అయితే కొంతమంది నిపుణులు రాబోయే పాలసీలో RBI 25 బేసిస్ పాయింట్ల తగ్గింపు చేయవచ్చని భావిస్తున్నారు. MPC ఫిబ్రవరి 4 నుంచి 6 వరకు ద్వి-మాసాల పాలసీ సమీక్ష కోసం సమావేశమవుతుంది.

వివరాలు

రాబోయే మానిటరీ పాలసీలో RBI "న్యూట్రల్" స్థానం కొనసాగించే అవకాశం

ఫిబ్రవరి 2025 నుండి MPC వృద్ధిని ప్రోత్సహించడానికి రిపో రేటును 125 బేసిస్ పాయింట్లు తగ్గించింది. ఫిబ్రవరి & ఏప్రిల్‌లో 25 బేసిస్ పాయింట్లు, జూన్‌లో 50 బేసిస్ పాయింట్లు, డిసెంబర్‌లో 25 బేసిస్ పాయింట్లు తగ్గింపు జరిగింది. అయితే, ఆగస్టు & అక్టోబర్ పాలసీలో RBI రెపో రేటును స్థిరంగా ఉంచింది. నిపుణుల అభిప్రాయం ప్రకారం, రాబోయే మానిటరీ పాలసీలో RBI "న్యూట్రల్" స్థానం కొనసాగించే అవకాశం ఉంది. అదే సమయంలో దోవిష్ టోన్‌ను కొనసాగిస్తూ, వడ్డీ రేట్ల తగ్గింపుకు అనుకూల సంకేతాలు ఇవ్వవచ్చని అంచనా. దీని ప్రధాన ఉద్దేశ్యం వడ్డీ భారం తగ్గించి, ఖర్చులు,రుణాల ప్రవాహాన్ని పెంచడం ద్వారా ఆర్థిక వృద్ధికి మరింత బలమివ్వడమేనని నిపుణులు చెబుతున్నారు.