Union Budget 2026: ట్యాక్స్ స్లాబ్స్ దాటిన ప్రశ్నలు.. బడ్జెట్ నుంచి Gen-Z ఏమి కోరుతోంది?
ఈ వార్తాకథనం ఏంటి
బడ్జెట్ అనగానే ఇప్పటివరకు పన్ను రాయితీలు, ఉద్యోగాలు, జీతాలు వంటి అంశాలపైనే చర్చ ఎక్కువగా సాగేది. అయితే 2026 బడ్జెట్ను జెన్-జీ చూస్తున్న దృష్టికోణం పూర్తిగా భిన్నంగా ఉంది. ఉద్యోగ భద్రత లేని ప్రపంచంలో పెరిగిన ఈ తరం, బడ్జెట్ను కేవలం సంఖ్యలుగా కాకుండా తమ భవిష్యత్తు జీవన ప్రమాణాలపై జరిగే పరీక్షగా భావిస్తోంది. కోవిడ్ మహమ్మారి, యుద్ధాలు, ఆర్థిక అనిశ్చితి, వాతావరణ మార్పులు ఇవన్నీ చిన్న వయసులోనే చూసిన తరం జెన్-జీ. అందుకే ప్రభుత్వాన్ని అడుగుతున్న ప్రశ్నలు కూడా భిన్నంగా మారాయి. జీతం ఎంత వస్తోంది అనే దానికంటే ఆ జీతంతో జీవించగలుగుతున్నామా? మానసిక ఆరోగ్యానికి భద్రత ఉందా? చదువు నిజంగా ఉద్యోగంగా మారుతోందా? మహిళలకు ప్రాథమిక అవసరాలు అందుబాటులో ఉన్నాయా?
Details
మానసిక ఆరోగ్యం కూడా ముఖ్యం
నగరాల్లో జీవనం ఎందుకు ఇంత ఖరీదయ్యింది? పర్యావరణం విషయంలో మాటలకన్నా చర్యలు ఎప్పుడు కనిపిస్తాయి? అన్న ప్రశ్నలే ముందుకు వస్తున్నాయి. జెన్-జీకి బడ్జెట్ అంటే ఇక కేవలం ట్యాక్స్ స్లాబ్స్ కాదు. అది ఆరోగ్యం నుంచి చదువు వరకు, పన్నుల నుంచి పర్యావరణం వరకు ప్రభుత్వం తమ భవిష్యత్తును ఎలా చూస్తుందో తెలుసుకునే కీలక ఘడియ. ఇంతకీ 2026 బడ్జెట్ నుంచి జెన్-జీ నిజంగా ఏం ఆశిస్తోంది? జెన్-జీ దృష్టిలో ఆరోగ్యం అంటే కేవలం చికిత్స మాత్రమే కాదు. మానసిక ఆరోగ్యం కూడా అంతే ముఖ్యం. డిలాయిట్ 2025 సర్వే ప్రకారం 36 శాతం మంది జెన్-జీ యువత తరచూ ఒత్తిడి, ఆందోళనతో బాధపడుతున్నట్లు చెబుతున్నారు.
Details
పెద్దగా మార్పు కనిపించడం లేదు
ప్రభుత్వ ఆసుపత్రుల్లో వెయిటింగ్ టైమ్, డాక్టర్ల కొరత, సేవల నాణ్యతపై అసంతృప్తి స్పష్టంగా కనిపిస్తోంది. బడ్జెట్ కేటాయింపులు పెరుగుతున్నప్పటికీ, వాస్తవంగా మార్పు కనిపించడం లేదన్న భావన యువతలో ఉంది. ప్రస్తుతం భారత్లో పబ్లిక్ హెల్త్పై ఖర్చు GDPలో సుమారు 2 శాతం మాత్రమే ఉండటం గమనార్హం. ఇది అనేక అభివృద్ధి చెందుతున్న దేశాల కంటే తక్కువే. జెన్-జీ అభిప్రాయం ప్రకారం ఆసుపత్రి అంటే చివరి ఆప్షన్గా కాకుండా నమ్మకమైన వ్యవస్థగా మారాలి. కాలేజీలు, వర్క్ప్లేస్ల్లో కౌన్సెలింగ్ సేవలు అందుబాటులోకి రావాలని వారు కోరుతున్నారు. నేషనల్ మెంటల్ హెల్త్ సర్వే ప్రకారం భారత్లో 10.6 శాతం పెద్దలు మానసిక సమస్యలతో బాధపడుతున్నారు.
Details
77 శాతం మంది మాత్రమే హైజీనిక్ ఉత్పత్తులు వాడుతున్నారు
అయినప్పటికీ చికిత్స ఖర్చు, సమాజంలో ఉన్న స్టిగ్మా, సరైన సదుపాయాల లేమి కారణంగా యువత చాలాసార్లు మౌనంగా ఉండిపోతుంది. మెంటల్ హెల్త్ను బీమా కవరేజ్లో భాగం చేయాలని, విద్యాసంస్థల్లో ఇది ఒక బలమైన సపోర్ట్ సిస్టమ్గా ఉండాలని జెన్-జీ కోరుతోంది. బడ్జెట్లో దీనికి ప్రత్యేక ప్రాధాన్యం ఇవ్వాలన్నది వారి స్పష్టమైన డిమాండ్. మరోవైపు మెన్స్ట్రువల్ హెల్త్పై కూడా జెన్-జీ ప్రత్యేకంగా దృష్టి పెట్టుతోంది. NFHS-5 డేటా ప్రకారం 15 నుంచి 24 ఏళ్ల మహిళల్లో 77 శాతం మంది మాత్రమే హైజీనిక్ ఉత్పత్తులు వాడుతున్నారు. అంటే ఇంకా పెద్ద శాతం మహిళలు వాటికి దూరంగానే ఉన్నారు. దీనికి ప్రధాన కారణం ధర.
Details
ప్రభుత్వ పంపిణీ వ్యవస్థ బలపడాలి
శానిటరీ న్యాప్కిన్లు లగ్జరీగా కాకుండా సాధారణ అవసర వస్తువుల్లా అందుబాటులో ఉండాలని, ప్రభుత్వ పంపిణీ వ్యవస్థ బలపడాలని, ధరలు తగ్గేలా విధానాలు ఉండాలని జెన్-జీ మహిళలు కోరుతున్నారు. ఇక విద్య, ఉపాధి విషయంలోనూ నిరాశ స్పష్టంగా కనిపిస్తోంది. డిగ్రీ ఉన్నా ఉద్యోగ గ్యారంటీ లేకపోవడం జెన్-జీ అనుభవిస్తున్న కఠిన నిజం. విద్యా వ్యవస్థ ఇంకా పాత పద్ధతుల్లోనే నడుస్తోందన్న అసంతృప్తి ఉంది. బడ్జెట్లో కేవలం కొత్త కాలేజీల ఏర్పాటుకే పరిమితం కాకుండా, ఉన్న విద్యాసంస్థలను అప్గ్రేడ్ చేయాలని యువత కోరుతోంది. స్కిల్ ట్రైనింగ్, ఇండస్ట్రీ-లింకేజెస్ పెరగాలని ఆశిస్తోంది. మొదటిసారి ట్యాక్స్ ఫైల్ చేసే యువతకు ప్రస్తుత సిస్టమ్ భయపెడుతోందన్న భావన ఉంది.
Details
స్పష్టమైన నియమాలు లేకపోవడం పెద్ద సమస్య
ఫ్రీలాన్సర్లు, గిగ్ వర్కర్స్కు స్పష్టమైన నియమాలు లేకపోవడం కూడా ఒక పెద్ద సమస్యగా మారింది. ట్యాక్స్ అంటే భయం కాకుండా, సింపుల్, పారదర్శకమైన ప్రక్రియ కావాలన్నదే జెన్-జీ ఆశ. అదే సమయంలో డిఫెన్స్, స్పేస్ సెక్టార్లలో పెట్టుబడులు దేశ భద్రతతో పాటు హై-స్కిల్ ఉద్యోగాల సృష్టికి దోహదపడతాయని జెన్-జీ నమ్ముతోంది. అందుకే ఈ రంగాల్లో బడ్జెట్ కేటాయింపులు పెరగాలని యువత కోరుతోంది. ఈ అన్ని ఆశలు, అంచనాలు నిజమవుతాయా లేదా అన్నది తెలుసుకోవాలంటే ఫిబ్రవరి 1 వరకు ఎదురుచూడాల్సిందే.