RBI: వచ్చే ఏడాది భారత జీడీపీ వృద్ధి 7 శాతం.. ఆర్బీఐ అంచనా
ఈ వార్తాకథనం ఏంటి
'స్టేట్ ఆఫ్ ద ఎకానమీ' పేరుతో ఆర్ బి ఐ ఫిబ్రవరి బులిటెన్ ను ప్రచురించింది.
కొర్పోరేట్ రంగం పెట్టుబడులతో దేశ వృద్ధికి ఊతం లభిస్తుందని ఇందులో తెలిపింది.
ద్రవ్యోల్భణం స్థిరంగా 4 శాతం వద్దే కొనసాగితే జీడీపీ వృద్ధికి గట్టి పునాదిలా దోహదపడుతుందని ఆర్బీఐ బులిటెన్ లో పేర్కొంది.
వచ్చే ఆర్థిక సంవత్సరంలో భారతదేశ జీడీపీ వృద్ధి అంచనా 7 శాతం ఉండవచ్చని ఆర్బీఐ అంచనా వేస్తోంది.
2024 లో ఇప్పటివరకు ప్రైవేటు కార్పొరేట్ సెక్టార్ పెట్టుబడులపై సానుకూలంగా ఉన్నట్లు ఆర్బీఐ బులిటెన్ లో తెలిపింది.
ఆర్బీఐ
ఆర్బీఐ బులిటెన్ హైలైట్స్
2023-24 ఆర్థిక సంవత్సరం ప్రథమార్థంలో సాధించిన వృద్ధి అలాగే కొనసాగుతుందని ఆర్బీఐ భావిస్తోంది.
తాజా మూలధన వ్యయాలు వృద్ధికి ఊతమిస్తాయని అభిప్రాయపడింది.
2023 ఏప్రిల్ డిసెంబర్ త్రైమాసికంలో దేశంలోని ప్రధాన బ్యాంకులు, ప్రైవేటు సంస్థలు కలిసి వివిధ ప్రాజెక్టులకు ఇచ్చిన రుణాలు రూ. 2.4 లక్షల కోట్లుగా ఉన్నట్ల ఆర్బీఐ తెలిపింది.
2022లో ఇదే కాలంతో పోల్చితే ఇది 23శాతం అధికమని పేర్కొంది.
2024-25ఆర్థిక సంవత్సరంలో రిటైల్ ద్రవ్యోల్బణం 4.5శాతంగా నమోదు కావచ్చని చెప్పింది.
ద్రవ్యోల్బణం తక్కువ గా ఉండటంతో వృద్ధి స్థిరంగా ఉంటుందని పేర్కొంది.
ప్రభుత్వ రుణాలపై అంతర్జాతీయ ద్రవ్య నిధి చేసిన వాదనను ఆర్బీఐ తోసిపుచ్చింది.
దేశ రుణం, జీడీపీ నిష్పత్తి అంచనాల కంటే తక్కువగా నమోదు కావచ్చని పేర్కొంది.