Stock Market : నష్టాలతో ప్రారంభమైన దేశీయ మార్కెట్లు - 80 వేల దిగువకు సెన్సెక్స్
ఈ వార్తాకథనం ఏంటి
దేశీయ స్టాక్ మార్కెట్లు గురువారం నాడు నష్టాల్లో ప్రారంభమయ్యాయి. గత ఏడు రోజులుగా లాభాలను నమోదుచేస్తున్న మార్కెట్లకు నేడు బ్రేక్ పడినట్టైంది.
ప్రపంచ మార్కెట్ల నుంచి వస్తున్న మిశ్రమ సంకేతాల ప్రభావం మన మార్కెట్లపై స్పష్టంగా కనిపిస్తోంది.
ఈ ప్రభావంతో సెన్సెక్స్ కీలకమైన 80 వేల మార్కును కోల్పోయింది. ఉదయం 9.32 గంటల సమయంలో బీఎస్ఈ సెన్సెక్స్ 147 పాయింట్ల నష్టంతో 79,962 వద్ద ట్రేడవుతోంది.
నేషనల్ స్టాక్ ఎక్స్ఛేంజ్ (ఎన్‌ఎస్‌ఈ) నిఫ్టీ కూడా 77 పాయింట్లు క్షీణించి 24,251 వద్ద కొనసాగుతోంది.
వివరాలు
ఆసియా-పసిఫిక్ మార్కెట్లు మిశ్రమ ధోరణి
నిఫ్టీ సూచీలో కొన్ని కంపెనీల షేర్లు లాభాల్లో కదలాడుతున్నాయి. వీటిలో ఇండస్ఇండ్ బ్యాంక్, టాటా మోటార్స్, బజాజ్ ఫైనాన్స్, టెక్ మహీంద్రా, టైటాన్ కంపెనీ ముందంజలో ఉన్నాయి.
మరోవైపు, టాటా కన్స్యూమర్ ప్రోడక్ట్స్ లిమిటెడ్, ఎటర్నల్, భారతీ ఎయిర్‌టెల్, శ్రీరామ్ ఫైనాన్స్, ఓఎన్‌జీసీ స్టాక్స్ మాత్రం నష్టాల్లో కొనసాగుతున్నాయి.
ఇంతలో ఆసియా-పసిఫిక్ మార్కెట్లు మిశ్రమ ధోరణిని చూపిస్తున్నాయి. ఏ ప్రాంత మార్కెట్ ఎటు కదులుతుందన్న అనిశ్చితి పరిస్థితి వీటిపై కనిపిస్తోంది.