Unacademy: 90% డిస్కౌంట్తో అన్ అకాడమీ విక్రయం.. కారణాలేంటి?
ఈ వార్తాకథనం ఏంటి
ఎడ్యూటెక్ రంగంలో భారీ డీల్ కుదిరే దశలో ఉంది. UpGrad సంస్థ, ప్రత్యర్థి Unacademyను ఆల్-స్టాక్ ఒప్పందంతో కొనుగోలు చేయడానికి సిద్ధమైంది. నెలల తరబడి చర్చల తర్వాత ఈ డీల్ ఫైనల్ దశకు చేరుకుంది. ఈ ఒప్పందంలో అన్ అకాడమీ విలువ రూ.2,055 కోట్లుగా నిర్ణయించగా, 2021లో ఉన్న $3.4 బిలియన్ పీక్ వాల్యూయేషన్తో పోలిస్తే ఇది దాదాపు 90% తక్కువ కావడం గమనార్హం. డీల్ ముగిసే సమయానికి అన్ అకాడమీ వద్ద రూ.900-950 కోట్ల నగదు ఉండనుంది. ఇదే అంశం అప్గ్రాడ్ను ఆకర్షిస్తోంది. రోనీ స్క్రూవాలా నేతృత్వంలోని అప్గ్రాడ్, ఈ వారం Competition Commission of India అనుమతికి దరఖాస్తు చేసుకోనుంది.
వివరాలు
ఖర్చులు పెరిగి, మార్జిన్లు తగ్గి..
అలాగే టెమాసెక్ వంటి ఇన్వెస్టర్ల నుంచి రూ.375 కోట్ల వరకు ఫండింగ్ రైజ్ చేసే ప్రయత్నాలు జరుగుతున్నాయి. టెమాసెక్ రెండు కంపెనీల్లోనూ పెట్టుబడులు కలిగి ఉండటం ఈ డీల్కు మరో ప్లస్గా మారింది. 2010లో యూట్యూబ్ ఛానల్గా ప్రారంభమైన అన్ అకాడమీ, తరువాత ఆన్లైన్ నుంచి ఆఫ్లైన్ సెంటర్ల వైపు మళ్లింది. కానీ కోవిడ్ తర్వాత విద్యార్థులు మళ్లీ కాలేజీలకు వెళ్లడంతో ఆన్లైన్ డిమాండ్ తగ్గింది. దీంతో భారీగా పెట్టుబడులు పెట్టిన ఆఫ్లైన్ సెంటర్లు ఆశించిన లాభాలు ఇవ్వలేదు. అలెన్ వంటి పెద్ద ఆఫ్లైన్ సంస్థల పోటీ కూడా తీవ్రంగా మారింది. ఈ కారణాల వల్ల ఖర్చులు పెరిగి, మార్జిన్లు తగ్గి కంపెనీ ఆర్థిక పరిస్థితిపై ఒత్తిడి పెరిగింది.
వివరాలు
రూ.80 కోట్ల విలువతో Internshala కొనుగోలు
FY25లో Unacademy ఆపరేటింగ్ రెవెన్యూ రూ.702 కోట్లకు తగ్గింది. ఇది గత ఆర్థిక సంవత్సరంతో పోలిస్తే 16% తగ్గుదల నమోదైంది. ఈ నేపథ్యంలోనే కంపెనీ విలువ భారీగా పడిపోయింది. ఇదే సమయంలో అప్గ్రాడ్, Internshalaను కూడా రూ.80 కోట్ల విలువతో కొనుగోలు చేసింది. అన్ అకాడమీ డీల్ పూర్తయ్యాక అప్గ్రాడ్ వద్ద రూ.1,300 కోట్లకు పైగా క్యాష్ ఉండనుంది. ఈ నిధులను భవిష్యత్ విస్తరణ, ముఖ్యంగా B2B సెగ్మెంట్ పెంపు కోసం వినియోగించనుంది.