భోళాశంకర్ మ్యూజిక్ హంగామా షురూ: చిరంజీవి పోస్టర్ రిలీజ్ చేసి మరీ చెప్పేసారు
ఈ వార్తాకథనం ఏంటి
మెహెర్ రమేష్ దర్శకత్వంలో మెగాస్టార్ చిరంజీవి నటిస్తున్న చిత్రం భోళాశంకర్. ఇప్పటి వరకు భోళాశంకర్ నుండి గ్లింప్స్ కానీ, టీజర్ కానీ రిలీజ్ కాలేదు. కనీసం పాటైనా రిలీజ్ అయితే బాగుండునని అభిమానులు అనుకున్నారు.
తాజాగా భోళాశంకర్ టీమ్ స్పందిస్తూ, మరికొద్ది రోజుల్లో పాటలు రిలీజ్ అవుతాయని ప్రకటించింది. ఈ మేరకు ఒక పోస్టర్ ని రిలీజ్ చేసింది చిత్రబృందం.
డ్యాన్స్ చేస్తున్న చిరంజీవి పోస్టర్ ని రిలీజ్ చేస్తూ పాటల కోసం సిద్ధంగా ఉండండనీ, భోళా మానియా మరికొద్ది రోజుల్లో మొదలు కాబోతుందని తెలియజేసింది.
అంతేకాదు, ఈ పోస్టర్ లో మరో విషయాన్నికూడా స్పష్టంగా చెప్పారు. భోళాశంకర్ సినిమా రిలీజ్ వాయిదా పడుతుందని గతకొన్ని రోజులుగా వార్తలు వస్తున్నాయి.
Details
ఆగస్టు 11న పక్కా రిలీజ్
భోళాశంకర్ రిలీజ్ టైమ్ లో రజనీకాంత్ జైలర్ మూవీ రిలీజ్ ఉండడం వల్ల, కొన్ని రోజులు ఆగి భోళాశంకర్ వస్తుందని వార్తలు వచ్చాయి. ఆ వార్తలు నిజం కాదని, అనుకున్న తేదీన అంటే ఆగస్టు 11వ తేదీన భోళాశంకర్ సినిమా, థియేటర్లలోకి వచ్చేస్తుందని ప్రకటించారు.
సూపర్ స్టార్ రజనీకాంత్ సినిమా ఆగస్టు 10వ తేదీన రిలీజ్ కానుంది. అదలా ఉంచితే, భోళాశంకర్ సినిమాలో తమన్నా హీరోయిన్ గా కనిపిస్తోంది.
చిరంజీవి సోదరిగా కీర్తి సురేష్ నటిస్తుంది. తమిళంలో విజయం సాధించిన వేదాళం సినిమాను భోళాశంకర్ పేరుతో రీమేక్ చేస్తున్నారు.
ఏకే ఎంటర్ టైన్మెంట్స్ బ్యానర్ పై రూపొందుతున్న ఈ సినిమాకు మహతి స్వర సాగర్ సంగీతం అందిస్తున్నారు.
ట్విట్టర్ పోస్ట్ చేయండి
భోళాశంకర్ పాటల రిలీజ్ పై అప్డేట్ ఇచ్చిన టీమ్
WWM still for you all 🤟🏻🤩
— AK Entertainments (@AKentsOfficial) May 30, 2023
MEGA MUSIC MANIA of #BholaaShankar 🔱#BholaaMania Starts Soon 📣 🎶💥Stay Tuned❤️🔥 @SagarMahati thumping musical 🥁#BholaaShankarOnAug11th
Mega🌟 @KChiruTweets @MeherRamesh @AnilSunkara1 @dudlyraj @ramjowrites @Sekharmasteroff @AKentsOfficial pic.twitter.com/uhTUZWBqlz