పాన్ ఇండియా వైపు బాలయ్య చూపు: రజనీ కాంత్ తో మల్టీస్టారర్ చేసే అవకాశం
ఈ వార్తాకథనం ఏంటి
దాదాపుగా తెలుగు సినిమా హీరోలందరూ పాన్ ఇండియా సినిమాలు తీస్తున్నారు. ఈ విషయంలో యువ హీరోలు ముందున్నారు.
సీనియర్ హీరోల్లో చిరంజీవి ఒక్కడే పాన్ ఇండియా ప్రయత్నం చేసాడు. ఈ బాటలో ఇప్పుడు నందమూరి బాలకృష్ణ నడవడానికి సిద్ధం అవుతున్నట్టుగా తెలుస్తోంది.
అది కూడా రజనీ కాంత్ తో కలిసి మల్టీస్టారర్ సినిమాలో నటించబోతున్నాడని అంటున్నారు. ఈ మల్టీస్టారర్ సినిమాకు కన్నడ దర్శకుడు హర్ష దర్శకత్వం వహించనున్నారని వినిపిస్తోంది.
ఇటీవల కీ.శే నందమూరి తారక రామారావు శతజయంతి ఉత్సవాలకు హాజరైన కన్నడ స్టార్ శివరాజ్ కుమార్ మాట్లాడుతూ, బాలయ్యతో నటిస్తానని, త్వరలోనే సినిమా ఉంటుందని వెల్లడి చేసాడు.
Details
రెండు భాగాలుగా బాలయ్య పాన్ ఇండియా మూవీ?
బాలయ్య, శివరాజ్ కుమార్ ల మధ్య మంచి స్నేహం ఉన్న సంగతి అందరికీ తెలిసిందే. అయితే వీరిద్దరూ కలిసి పాన్ ఇండియా సినిమా మొదలు పెట్టబోతున్నారని అంటున్నారు.
రెండు భాగాలుగా ఉండే ఈ పాన్ ఇండియా చిత్రాన్ని కన్నడ దర్శకుడు హర్ష్ తెరకెక్కిస్తారట. మొదటి భాగంలో బాలయ్య, శివరాజ్ కుమార్ కనిపిస్తే, రెండవ భాగంలో శివరాజ్ కుమార్ స్థానంలో రజనీ కాంత్ చేస్తారని చెప్పుకుంటున్నారు.
ఇదే నిజమైతే బాలయ్య అభిమానుల్లో ఉత్సాహం ఉప్పొంగుతుంది. సోషల్ మీడియాలో చక్కర్లు కొడుతున్న ఈ వార్తపై ఎవరైనా స్పందిస్తారేమో చూడాలి.
అదలా ఉంచితే కన్నడ దర్శకుడు హర్ష్, తన తొలి తెలుగు చిత్రాన్ని గోపీచంద్ హీరోగా తెరకెక్కించడానికి సిద్ధమవుతున్నాడు.