రజనీకాంత్ సినిమాలో కపిల్ దేవ్ నటిస్తున్నారా? ఆ ఫోటో చెబుతున్న నిజమేంటి?
సూపర్ స్టార్ రజనీకాంత్ ప్రస్తుతం ముంబైలో లాల్ సలామ్ షూటింగ్ లో బిజీగా ఉన్నారు. రజనీకాంత్ కూతురు ఐశ్వర్య తెరకెక్కిస్తున్న ఈ సినిమాలో విష్ణు విశాల్, విక్రాంత్ ప్రధాన పాత్రల్లో నటిస్తున్నారు. ఈ సినిమాలో క్రికెటర్ కపిల్ దేవ్ కుడా నటిస్తున్నట్లు తెలుస్తోంది. ముంబైలో జరుగుతున్న షూటింగ్ లో కపిల్ దేవ్ పాల్గొంటున్నట్లు వినిపిస్తోంది. తాజాగా రజనీకాంత్, కపిల్ దేవ్ తో కలిసి ఫోటో దిగాడు. ఈ పోటోను సోషల్ మీడియాలో పోస్ట్ చేసిన రజనీకాంత్, భారతదేశానికి మొట్టమొదటి ప్రపంచ కప్ అందించిన కపిల్ దేవ్ తో పనిచేస్తున్నందుకు సంతోషంగా ఉందని ట్వీట్ చేసాడు. అందువల్ల, లాల్ సలామ్ సినిమాలో కపిల్ దేవ్ నటిస్తున్నాడని కన్ఫర్మ్ ఐపోతున్నారు.
లాల్ సలామ్ లో మొయిదీన్ భాయ్ గా రజనీ కాంత్
మరి నిజంగా లాల్ సలామ్ షూటింగ్ కోసమే వాళ్ళిద్దరూ కలిసారా? లేదా మరేదైనా అయ్యుంటుందా అనేది అధికారిక సమాచారం వస్తే గానీ తెలియదు. ఇటీవల లాల్ సలామ్ నుండి రజనీకాంత్ లుక్ రివీల్ అయ్యింది. మొయిదీన్ భాయ్ గా ముస్లిం వేషధారణలో రజనీ కాంత్ కనిపించాడు. ఈ లుక్ చూసి ప్రేక్షకులు ఆశ్చర్యపోయారు. అదలా ఉంచితే, రజనీకాంత్ నటిస్తున్న జైలర్ మూవీ, ఆగస్టు 10వ తేదీన విడుదలకు సిద్ధమవుతోంది. జైలర్ తర్వాత జై భీమ్ దర్శకుడు టీజే జ్ఞానవేల్ డైరెక్షన్లో తన 170వ చిత్రం చేయబోతున్నాడు. అనంతరం 171వ చిత్రాన్ని లోకేష్ కనగరాజ్ దర్శకత్వంలో చేస్తాడని, ఆ తర్వాత రజనీకాంత్ సినిమాలు మానేస్తారని అంటున్నారు.
