Sitaare Zameen Par: ఆమిర్‌ఖాన్ 'సితారే జమీన్ పర్‌' ట్రైలర్ ఈరోజు రాత్రి విడుదల
ఈ వార్తాకథనం ఏంటి
బాలీవుడ్‌ మిస్టర్‌ పర్‌ఫెక్ట్‌గా పేరుగాంచిన ఆమిర్‌ ఖాన్ ప్రధాన పాత్రలో నటిస్తున్న తాజా చిత్రం పేరు 'సితారే జమీన్ పర్‌'. ఈ చిత్రానికి 'సబ్‌కా అప్న అప్న నార్మల్‌' అనే ఉపశీర్షికను ఎంచుకున్నారు. ప్రముఖ దర్శకుడు ఆర్‌ఎస్‌ ప్రసన్న ఈ చిత్రానికి దర్శకత్వం వహిస్తున్నారు. కథానాయికగా జెనీలియా నటిస్తున్నారు. ఈ సినిమా నిర్మాణ బాధ్యతలు ఆమిర్‌ ఖాన్ ప్రొడక్షన్స్‌ బ్యానర్‌పై, ఆమిర్‌ ఖాన్, అపర్ణ పురోహిత్ కలిసి చేపట్టారు. తాజాగా విడుదల చేసిన ప్రకటన ప్రకారం, ఈ చిత్రం జూన్ 20న ప్రేక్షకుల ముందుకు రానుంది.
వివరాలు
ట్రైలర్ రిలీజ్‌కు సంబంధించిన వివరాలు వెల్లడి
ఇప్పటికే ఈ సినిమాకు సంబంధించి ఫస్ట్‌లుక్‌ను విడుదల చేసిన చిత్రబృందం,తాజాగా ట్రైలర్ రిలీజ్‌కు సంబంధించిన వివరాలను వెల్లడించింది. ఈరోజు రాత్రి 7:50 గంటలకు జీ నెట్‌వర్క్‌కు చెందిన చానళ్లలో,అలాగే రాత్రి 8:20కి సోషల్‌మీడియా వేదికలపై ట్రైలర్‌ను విడుదల చేయనున్నట్టు చిత్రబృందం తెలిపింది. ఈ సందర్భంగా ఒక వీడియోను కూడా పంచుకుంది.ఇంతకుముందు, ఆమిర్‌ ఖాన్ నటించి, తనే దర్శకత్వం వహించిన 2007లో వచ్చిన సూపర్ హిట్ చిత్రం 'తారే జమీన్ పర్‌' కి ఇది సీక్వెల్ అని ఆయన స్వయంగా ప్రకటించారు. అయితే ఈ సారి కథని హాస్యప్రధానంగా తీర్చిదిద్దినట్టు సమాచారం.దాదాపు మూడు సంవత్సరాల విరామం తరువాత ఆమిర్‌ ఖాన్ నటిస్తున్న సినిమా కావడంతో బాలీవుడ్‌లో ఈ చిత్రంపై అత్యధిక అంచనాలు నెలకొన్నాయి.
వివరాలు
'సితారే జమీన్ పర్‌' సినిమాతోనే వెండితెరకు పరిచయం అవుతున్న తారలు వీరే..
ఈ చిత్రంలో ఆరోష్ దత్తా, గోపీకృష్ణ వర్మ, సంవిత్ దేశాయ్, వేదాంత్ శర్మ, ఆయుష్ భన్సాలీ, ఆశిష్ పెండ్సే, రిషి షహానీ, రిషబ్ జైన్, నమన్ మిశ్రా, సిమ్రాన్ మంగేష్కర్ వంటి నటులు ముఖ్య పాత్రల్లో కనిపించనున్నారు. గమనించదగ్గ విషయం ఏమిటంటే, వీరందరూ 'సితారే జమీన్ పర్‌' సినిమాతోనే వెండితెరకు పరిచయం కావడం విశేషం.
ట్విట్టర్ పోస్ట్ చేయండి
చిత్రబృందం చేసిన ట్వీట్
Our Sitaare's are popping out of excitement as trailer drops tonight! #SitaareZameenPar Trailer Out Tonight on Zee Network Channels at 7:50-8:10pm & Aamir Khan Production’s Social Media Handles at 8:20pm.
— Aamir Khan Productions (@AKPPL_Official) May 13, 2025
Watch #SitaareZameenPar #SabkaApnaApnaNormal, 20th June Only In… pic.twitter.com/Nw19GruR0d