బస్సు ప్రమాదానికి గురైన పుష్ప 2 నటులు: ఇద్దరికి తీవ్ర గాయాలు
ఈ వార్తాకథనం ఏంటి
అల్లు అర్జున్ హీరోగా సుకుమార్ దర్శకత్వంలో పుష్ప 2 సినిమా తెరకెక్కుతోంది. ఈ సినిమా షూటింగ్ శరవేగంగా జరుగుతోంది. తెలుగు రాష్ట్రాల్లోని అటవీ ప్రాంతాల్లో పుష్ప 2 చిత్రీకరణ కొనసాగుతోంది.
అయితే తాజగా పుష్ప 2 నటులకు బస్సు ప్రమాదం జరిగింది. షూటింగ్ కోసం హైదరాబాద్ నుండి విజయవాడ వెళ్తుండగా, నల్గొండ జిల్లా నార్కట్ పల్లి ప్రాంతంలో ఒక ప్రైవేటు బస్సు, పుష్ప 2 నటులున్న బస్సును ఢీ కొట్టింది.
ఈ ప్రమాదంలో ఏడుగురు నటులకు గాయాలైనట్లు తెలుస్తోంది. ఇద్దరికి తీవ్రంగా గాయాలయ్యాని సమాచారం. ఈ యాక్సిడెంట్ జరగడానికి కారణం అతివేగం అని పోలీసులు చెబుతున్నారు.
పుష్ప 2 నటులకు గాయాలు కావడంతో షూటింగ్ ఆగిపోయింది.
Details
బాలీవుడ్ మార్కెట్ కోసం రణ్వీర్ సింగ్
పుష్ప 2 సినిమాను వైవిధ్యంగా తీర్చిదిద్దడానికి సుకుమార్ ప్రయత్నిస్తున్నారు. ఈ సినిమాకు హిందీ మార్కెట్ లో మరింత క్రేజ్ తీసుకురావడానికి రణ్వీర్ సింగ్ ని ప్రత్యేక పాత్ర కోసం తీసుకునే ఆలోచనలో ఉన్నారని తెలుస్తోంది.
పుష్ప 2 సినిమాలో హీరోయిన్ గా రష్మిక మందన్న నటిస్తోంది. సునీల్, యాంకర్ అనసూయ కీలక పాత్రల్లో కనిపించనున్నారు. విలన్ గా మళయాలీ నటుడు ఫాహద్ ఫాజిల్ చేస్తున్నారు.
అన్నీ కుదిరితే ఈ సినిమాను ఈ సంవత్సరం డిసెంబర్ నెలలో రిలీజ్ చేయాలని ప్లాన్ చేస్తున్నారు. మరి అనుకున్నట్లుగా డిసెంబరులో రిలీజ్ అవుతుందా లేదా 2024 వేసవికి వాయిదా పడుతుందా అనేది చూడాలి.