పెళ్ళి చేసుకోబోతున్న నరేష్, పవిత్ర.. ముద్దు పెట్టి మరీ ప్రకటన
ఈ వార్తాకథనం ఏంటి
సినిమా ఇండస్ట్రీలో పనిచేసే హీరోల గురించి, హీరోయిన్ల గురించి, క్యారెక్టర్ ఆర్టిస్టుల గురించి అనేక పుకార్లు షికారు చేస్తుంటాయి. కొన్ని కొన్నిసార్లు అవన్నీ పుకార్లుగానే మిగిలిపోతే మరికొన్ని సార్లు అవి నిజాలుగా బయటకు తేలతాయి.
ఈరోజు అలాంటి న్యూసే టాలీవుడ్ సీనియర్ హీరో నరేష్ నుండి బయటకు వచ్చింది. సీనియర్ హీరో నరేష్, సీనియర్ హీరోయిన్ పవిత్ర సహజీవనం చేస్తున్నారని గత కొన్ని రోజులుగా అనేక వార్తలు వచ్చాయి.
వీరిద్దరి మధ్య బంధం గురించి సోషల్ మీడియా కోడై కూసింది. ఐతే తమ బంధం ప్రేమ కాదని కేవలం స్నేహం మాత్రమే అని నరేష్, పవిత్రలు చెప్పుకొచ్చారు.
ఆ తర్వాత వారిద్దరూ కలిసి ఒకే హోటల్ లో ఉన్న ఫోటోలు బయటకు వచ్చాయి.
తెలుగు సినిమా
నరేష్, పవిత్రల పెళ్ళి
ప్రస్తుతం నరేశ్, పవిత్రలు తమ బంధాన్ని వివాహ బంధం చేసుకోవడానికి సిద్ధమైపోయారు. ఈ మేరకు సోషల్ మీడియా వేదికగా నటుడు నరేష్ ప్రకటన చేసారు.
కొత్త సంవత్సరంలో కొత్త జీవితంలోకి అడుగు పెడుతున్నానని చెబుతూ ఒక వీడియోని పోస్ట్ చేసారు. ఆ వీడియోలో నరేష్, పవిత్రలు ఒకరికొనొకరు ముద్దు పెట్టుకుంటూ కనిపించి, మరికొద్ది రోజుల్లో పెళ్ళి చేసుకోబోతున్నాం అని తెలియజేసారు.
అంతేకాదు అభిమానుల ఆశీర్వాదం కావాలని కోరుతూ అందరికీ కొత్త సంవత్సర శుభాకాంక్షలు తెలియజేసారు నరేష్.
మొత్తానికి ఎన్నో రోజుల నుండి వస్తున్న వార్తలకు ఫుల్ స్టాప్ పడింది. మరి వీరి పెళ్ళి ఎప్పుడు ఉంటుందో ఇంకా ప్రకటించలేదు. ప్రస్తుతం ఈ పెళ్ళి గురించే టాలీవుడ్ లో చర్చ జరుగుతోంది.