Nani: మహేష్ తర్వాత నాని.. నార్త్ అమెరికాలో రికార్డ్ క్రియేట్!
ఈ వార్తాకథనం ఏంటి
'నేచురల్ స్టార్' నాని తెలుగు చిత్ర పరిశ్రమలో తనకంటూ ఓ ప్రత్యేకమైన స్థానాన్ని సంపాదించుకున్నారు. తాజాగా, నార్త్ అమెరికా బాక్సాఫీస్‌లో 11 చిత్రాలతో $1 మిలియన్‌కి మించిన వసూళ్లు సాధించిన ఘనతను అందుకున్నాడు. ఈ ప్రాభవాన్ని అందుకున్న రెండో తెలుగు నటుడిగా, మహేష్ బాబు తర్వాత నాని నిలిచాడు. ఇంతటితో ఆగకుండా, వరుసగా నాలుగు చిత్రాలతో $1.5 మిలియన్‌కి పైగా వసూళ్లు రాబట్టి, మహేష్ బాబు, ప్రభాస్, అల్లు అర్జున్, ఎన్టీఆర్‌ల సరసన ఐదో నటుడిగా స్థానం సంపాదించాడు. 'జెర్సీ', 'దసరా', 'హాయ్ నాన్న', 'సరిపోదా శనివారం' వంటి సినిమాలు అమెరికాలోని ప్రేక్షకులను థియేటర్లకు ఆకర్షించాయి.
Details
అంతర్జాతీయంగా తెలుగు సినిమా ప్రభావాన్ని చూపుతున్న నాని
ముఖ్యంగా 2025లో విడుదలైన 'హిట్: ది థర్డ్ కేస్' చిత్రం అడ్వాన్స్ బుకింగ్‌లోనే $1 మిలియన్ వసూలు చేయగా, ప్రస్తుతం $2 మిలియన్ లక్ష్యంతో వేగంగా దూసుకెళ్తోంది. నాని విజయ రహస్యం లోతైన కథల ఎంపిక, ప్రేక్షకుల అనుభూతులకు దగ్గరైన పాత్రలు, మంచి వ్యూహాల అమలు అని చెప్పవచ్చు. అతని 'దసరా' చిత్రం ఒక్కటే $2.05 మిలియన్ వసూలు చేసి, నార్త్ అమెరికాలో నాని మార్కెట్ స్థాయిని స్పష్టంగా సూచించింది. మొత్తానికి, కథకు నమ్మకంగా నిలిచే నాని, అంతర్జాతీయంగా కూడా తెలుగు సినిమా ప్రభావాన్ని చాటుతున్నాడు.