ఏజెంట్ సినిమా బాక్సాఫీసు లెక్కలు: 6రోజుల్లో ఎన్ని కోట్లు వచ్చాయంటే?
అక్కినేని అఖిల్ నటించిన ఏజెంట్ సినిమాకు కలెక్షన్లు తగ్గుతూనే ఉన్నాయి. మొదటి రోజు వచ్చిన నెగెటివ్ కారణంగా ఏజెంట్ సినిమాకు డిమాండ్ విపరీతంగా పడిపోయింది. నిన్నటివరకు సినిమా రిలీజై ఆరు రోజులు పూర్తయ్యింది. ఈ ఆరు రోజుల్లో ఏజెంట్ కలెక్షన్ల వివరాలు చూస్తే, 9.75కోట్లు (నెట్) గా ఉంది. తెలుగు, మళయాలం భాషల్లో కలుపుకుని 10కోట్లకు దగ్గరలో ఉంది. ఇందులో తెలుగు కలెక్షన్లు 9.55కోట్లుగా ఉంటే మళయాలం వసూళ్ళు 20లక్షలు ఉన్నాయి. బుధవారం రోజున ఏజెంట్ సినిమాకు సుమారు 40లక్షల వసూళ్ళు వచ్చాయని టాక్. ఈ లెక్కన ఏజెంట్ సినిమా డిజాస్టర్ కు దగ్గరలో ఉందని అంటున్నారు. అఖిల్ కెరీర్ లో మరో ఫ్లాప్ చేరిపోయిందని చెబుతున్నారు.
వృధా అయిన అఖిల్ కష్టం
ఏజెంట్ సినిమాలో సాక్షి వైద్య హీరోయిన్ గా నటించింది. మళయాల నటుడు మమ్ముట్టి కీలక పాత్రలో మెరిసారు. బాలీవుడ్ నటుడు డినో మోరియా, విలన్ గా కనిపించాడు. స్పై థ్రిల్లర్ గా రూపొందిన ఈ సినిమాలో, స్పై ఏజెంట్ గా కనిపించాడు అఖిల్. ఈ సినిమా కోసం తన శరీరాకృతిని చాలా మార్చుకున్నాడు. ఆ కష్టం తెరమీద కనిపిస్తుంది. కానీ సినిమాలో సరైన కథనం లేకపోవడంతో ప్రేక్షకులను సీట్లలో కూర్చోబెట్టలేకపోయింది. అఖిల్ స్టైలిష్ మేకోవర్ బాగానే ఉన్నా, పాటలు, నేపథ్య సంగీతం, లవ్ ట్రాక్ సినిమాకు మైనస్ గా మారాయని అన్నారు. ఏజెంట్ తర్వాత అఖిల్ నెక్స్ట్ సినిమా, సాహో సినిమాకు పనిచేసిన అనిల్ అనే దర్శకుడితో అఖిల్ నెక్స్ట్ సినిమా ఉంటుందట.
