బాలయ్య అఖండ హిందీలో విడుదల
ఈ వార్తాకథనం ఏంటి
బాలయ్య హీరోగా బోయపాటి దర్శకత్వంలో వచ్చిన అఖండ సినిమా ఎంత పెద్ద విజయం సాధించిందో ప్రత్యేకించి చెప్పాల్సిన పనిలేదు. కరోనా వల్ల థియేటర్లలోకి రావడానికి జనాలు ఇబ్బంది పడుతున్న సమయంలో రిలీజై, వసూళ్ళలో తుఫాను సృష్టించింది.
బాలయ్య, బోయపాటి కాంబినేషన్ కి తిరుగులేదని అఖండ సినిమాతో మరోమారు నిరూపితమైంది. ఈ సినిమాలోని బ్యాగ్రౌండ్ మ్యూజిక్ వల్ల అమెరికాలోని థియేటర్లలో సౌండ్ బాక్సులు పగిలిపోయాయని వార్తల్లో వచ్చాయి.
సినిమా ఒక ఎత్తైతే, నేపథ్య సంగీతం మరో ఎత్తుగా ఉన్న ఈ సినిమా, బాలయ్య అభిమానులను ఉర్రూతలూగించింది. అటు కరోనా వల్ల థియేటర్లకు జనం రారేమో అన్న అనుమానాన్ని పటాపంచలు చేసి, సినిమా ఇండస్ట్రీకి ధైర్యాన్నిచ్చింది.
ప్రస్తుతం అఖండ సినిమా హిందీ ప్రేక్షకుల ముందుకు రాబోతుంది.
అఖండ సినిమా
అఖండ హిందీ ట్రైలర్ విడుదల
తెలుగులో విజయ ఢంకా మోగించిన అఖండ, హిందీ ప్రేక్షకుల ముందుకు రానుంది. బాలీవుడ్ నిర్మాణ సంస్థ పెన్ స్టూడియోస్ అఖండ సినిమాను థియేటర్లలో రిలీజ్ చేయడానికి సన్నాహాలు చేస్తోంది.
ఈ మేరకు హిందీ ట్రైలర్ ని రిలీజ్ చేసి, జనవరి 20వ తేదీన థియేటర్లలోకి తీసుకొస్తున్నామని ప్రకటించింది పెన్ స్టూడియో.
ఇక్కడ అఖండ హిందీ వెర్షన్ కి బోయపాటి ఒక మంచి అడ్వాంటేజ్ గా మారబోతున్నాడు. ఎందుకంటే అల్లు అర్జున్ సరైనోడు సినిమా హిందీ వెర్షన్ ను వందల మిలియన్ల మంది చూసారు.
సరైనోడు డైరెక్టర్ నుండి వచ్చిన సినిమా అని ప్రచారం చేస్తే హిందీలో అఖండకు మంచి కలెక్షన్లు వచ్చే అవకాశం ఉందని అంచనా వేస్తున్నారు.
ట్విట్టర్ పోస్ట్ చేయండి
బాలయ్య అఖండ హిందీ ట్రైలర్ విడుదల
#Akhanda #AkhandaHindi pic.twitter.com/LfqsBoNCed
— Aakashavaani (@TheAakashavaani) January 4, 2023