ఇండస్ట్రీకి వచ్చి 20ఏళ్ళు పూర్తి చేసుకున్న అల్లు అర్జున్, ట్విట్టర్ వేదికగా ఎమోషనల్ ట్వీట్
గంగోత్రి సినిమాతో తెలుగు సినిమాకు హీరోగా పరిచయం అయ్యాడు అల్లు అర్జున్. రాఘవేంద్రరావు దర్శకత్వంలో వచ్చిన గంగోత్రి సినిమా, 2003 మార్చ్ 28వ తేదీన రిలీజైంది. అంటే ఈరోజుతో సినిమా ఇండస్ట్రీకి వచ్చి 20ఏళ్ళు పూర్తి చేసుకున్నాడు అల్లు అర్జున్. ఈ విషయాన్ని ట్విట్టర్ వేదికగా పంచుకున్న అల్లు అర్జున్, తనను ఇంత వాడిగా చేసిన ఇండస్ట్రీ వారందరికీ థ్యాంక్స్ చెబుతూ, ఈరోజు ఇలా ఉండడానికి కారణం అభిమానులు చూపించే ప్రేమ అని అన్నాడు. అయితే ఆయన ట్వీట్ లో గంగోత్రి సినిమా పేరు ఉండకపోవడం గమనించాల్సిన విషయం. అదలా ఉంచితే, అల్లు అర్జున్ ప్రస్తుతం పుష్ప 2 సినిమా పనుల్లో బిజీగా ఉన్నాడు.
