అవెంజర్ యాక్టర్ కి యాక్సిడెంట్.. పరిస్థితి విషమం
మార్వెల్ సినిమాకు ప్రపంచ వ్యాప్తంగా అభిమానులు ఉన్నారు. మార్వెల్ నుండి ఏ సినిమా వచ్చినా ఎగబడి చూసేస్తుంటారు. దానివల్ల మార్వెల్ సినిమాల్లో నటించే వాళ్ళకు కూడా ప్రపంచ మొత్తం అభిమానులు ఏర్పడ్డారు. ప్రస్తుతం మార్వెల్ సినిమా అవెంజర్స్ లో నటించిన జెమ్మీ రెన్నర్ అనే నటుడికి యాక్సిడెంట్ అయ్యింది. గత కొన్ని రోజులుగా అమెరికాలో మంచు వర్షం కురుస్తున్న సంగతి తెలిసిందే. ఇప్పుడు ఆ మంచు వల్లే జెమ్మీ రెన్నర్ కి యాక్సిడెంట్ అయ్యింది. అవెంజర్స్ లో క్లింట్ బార్టన్ గా మెరిసిన జెమ్మీ రెన్నర్ కు ఆ యాక్సిడెంట్ లో తీవ్ర గాయాలు అయ్యాయి. పరిస్థితి తీవ్రంగా ఉందని కాకపోతే స్థిరంగా ఉందని జెమ్మీ రెన్నర్ తరపున మాట్లాడే వ్యక్తి తెలిపారు.
ఛాతికి తీవ్ర గాయాలు
అమెరికాలోని నెవాడా రాష్ట్రంలో రోడ్లమీద పేరుకున్న మంచును తవ్వేస్తున్న సమయంలో జెమ్మీ రెన్నర్ కి ప్రమాదం జరిగింది. ఛాతికి తీవ్రంగా గాయలైనట్లు తెలుస్తోంది. ఇప్పటికే ఒక సర్జరీ పూర్తయిందని సమాచారం. ఇంటెన్సివ్ కేర్ విభాగంలో జెమ్మీ రెన్నర్ ని ఉంచినట్లు వార్తలు వస్తున్నాయి. ప్రస్తుతానికి పరిస్థితి కంట్రోల్ లో ఉందని చెప్పుకుంటున్నారు. ఈ నేపథ్యంలో మార్వెల్ సినిమా అభిమానులు అందరూ షాక్ అయ్యారు. తమ అభిమాన నటుడికి ఇలాంటి ప్రమాదం ఎదురయ్యిందని బాధపడుతున్నారు. సోషల్ మీడియా వేదికగా జెమ్మీ రెన్నర్ తొందరగా కోలుకోవాలని ప్రార్థనలు చేస్తున్నారు. జెమ్మీ రెన్నర్ కి జరిగిన ప్రమాదం నుండి కోలుకోవడానికి మరో రెండు సర్జరీలు చేయాల్సి ఉంటుందని హాలీవుడ్ పత్రికల్లో కథనాలు వస్తున్నాయి.
