Sai Rajesh: బేబీ హిందీ రీమేక్ నుంచి 'బాబిల్ ఔట్'..? దర్శకుడు రాజేష్ స్పందన ఇదే!
ఈ వార్తాకథనం ఏంటి
'బేబీ' సినిమా ఎంతటి ఘన విజయం సాధించిందో తెలిసిందే. ఆనంద్ దేవరకొండ, వైష్ణవి చైతన్య జంటగా నటించిన ఈ చిత్రం, రాజేష్ దర్శకత్వంలో రూపొంది, యూత్‌కు బలమైన మెసేజ్‌తోపాటు భావోద్వేగాలను హత్తుకునేలా రూపొందింది. ఇప్పుడు ఈ మూవీ బాలీవుడ్‌లో రీమేక్ అవుతున్న విషయం తెలిసిందే. ఇప్పటికే ప్రీ ప్రొడక్షన్ పనులు మొదలయ్యాయి. బాలీవుడ్ రీమేక్‌లో ప్రముఖ నటుడు ఇర్ఫాన్ ఖాన్ కుమారుడు బాబిల్ ఖాన్ హీరోగా నటించబోతున్నట్లు ప్లాన్ జరిగింది. అయితే ఇటీవల బాబిల్ ఖాన్ చేసిన ఒక సోషల్ మీడియా పోస్ట్ బాలీవుడ్‌లో పెద్ద రచ్చకే దారి తీసింది. అనన్యా పాండే, సిద్ధార్థ్ చతుర్వేది తన పట్ల నిర్లక్ష్యంగా, దురుసుగా ప్రవర్తించారని బాబిల్ ఆరోపించడంతో, ఈ వ్యవహారం పెద్ద దుమారం రేపింది.
Details
బాబిల్ వ్యాఖ్యలను ఖండించిన దర్శకుడు
బాబిల్ వ్యాఖ్యలపై 'బేబీ' దర్శకుడు సాయి రాజేష్ కూడా స్పందించారు. బాబిల్ కామెంట్లను ఆయన ఖండించారు. ఆపై బాబిల్, సాయి రాజేష్ మధ్య ఓ ఆన్‌లైన్ చర్చ జరిగింది. ఈ పరిణామాల నేపథ్యంలో బాబిల్ ఖాన్ తన నిర్ణయం ప్రకటించాడు. "సాయి రాజేష్ గారితో నా మధ్య ఉన్న బంధం ఎంతో ప్రత్యేకమైనది. ఆయన కోసం నేను నా జీవితంలో రెండు సంవత్సరాలు వెచ్చించాను. ఈ ప్రయాణంలో నాకు వచ్చిన ఇతర అవకాశాలను వదులుకున్నాను. కానీ కొన్ని కారణాల వల్ల ఈ ప్రాజెక్ట్ నుంచి వైదొలుగుతున్నాను. భవిష్యత్తులో మళ్లీ ఆయనతో పని చేయాలనే ఆకాంక్ష ఉంది.
Details
బాబిల్ నిర్ణయాన్ని గౌరవిస్తున్నాం
ఈ రీమేక్ సినిమా విజయవంతంగా పూర్తి కావాలని మనస్ఫూర్తిగా కోరుకుంటున్నానంటూ బాబిల్ సోషల్ మీడియాలో పోస్ట్ చేశాడు. తాజాగా ఈ వ్యవహారంపై దర్శకుడు సాయి రాజేష్ స్పందించారు. "ప్రస్తుత పరిస్థితుల్లో వాస్తవాన్ని అంగీకరించాల్సి వస్తోంది. బాబిల్‌తో కొన్ని రోజుల పాటు ప్రిపరేషన్ చేశాం. అతని లోతైన ఆలోచనలతో, నటనలోని నైపుణ్యంతో మేమంతా ఆకట్టుకున్నాం. అతడు ప్రాజెక్ట్ నుంచి తప్పుకోవడం బాధాకరం అయినా, సెల్ఫ్ కేర్ ముఖ్యం. బాబిల్ తీసుకున్న నిర్ణయాన్ని గౌరవిస్తున్నాం. అతనితో భవిష్యత్తులో తప్పక సినిమా చేస్తానని వెల్లడించారు. ఈ నేపథ్యంలో 'బేబీ' బాలీవుడ్ రీమేక్‌లో కొత్త హీరో ఎవరవుతారన్నది ఆసక్తికరంగా మారింది.